N. B. Dilmurodov

Qorinning ichki qiyshiq muskuli
- m. obliguus sbdominis internus ham 
keng muskul plastinkasidan iborat bo‘lib, tashqi qiyshiq muskul bilan qoplanib 
turadi. Bu muskul keng elpig‘ich shaklda bo‘lib, yonbosh suyagi bo‘rtigining 
oldingi chetidan boshlanadi va bel umurtqalarining ko‘ndalang qovurg‘asimon 
o‘simtalari pastiga o‘tib, oq chiziqqa, oldingi qismi esa oxirgi 4 – 6- qovurg‘alar 
tog‘ayigacha etib boradi. Bu muskulning orqa tomon chetida chov kanalining 
teshigi - anulus inguinalis sbdominalis bor. Bu muskul ham tashqi qiyshiq 
muskulga o‘xshash vazifani bajaradi. 
Qorinning ko‘ndalang muskuli
– 
m.transversus abdominis
keng 
plastinkadan iborat bo‘lib, yonbosh suyagining tashqi bo‘rtigidan, bel fassiyasidan, 
bel umurtqasining ko‘ndalang o‘simtalaridan va oxirgi 4 –5 qovurg‘asimon 
tog‘aylardan boshlanib, tanaga nisbatan ko‘ndalang holatda pastga o‘tadi va oq 
chiziqda tugaydi. Bu muskul ichki tomondan qorin fassiyasi va zardob parda bilan 
qoplangan bo‘ladi. Bu ham yuqoridagi muskullarga o‘xshash funksiyani amalga 
oshiradi. 

---

Qorinning to‘g‘ri muskuli
– 
m.rectus abdominis
uzun lentasimon muskul 
bo‘lib, qorin va ko‘krak devorlarining pastki qismida joylashadi. Bu muskul IV – 
V qovurg‘alar ro‘parasidan va to‘sh suyagining pastroq qismidan boshlanib, 
qovuq suyagining bo‘rtigida tugaydi. Bu muskulda juda ko‘p (4 – 11 tagacha) pay 
xovon hosil bo‘ladi. Bular qovurg‘alarning qoldig‘i hisoblanadi. Bu muskul ham 
yuqoridagidar singari harakatlanadi.
 
Chov kanali
– 
canalis inguinalis
erkak hayvonlarda kichikroq yo‘l (yoriq) 
bo‘lib, unda urug‘donni ko‘taruvchi urug‘don tizimchasi joylashadi. Bu kanal 
tashqi va ichki qiyshiq muskullarning paysimon plastinkalari oralig‘ida bo‘ladi. 
Kanalning ikkita teshigi: a) teri osti chov kanal teshigi 
– annulus inguinalis 
subcutaneous;
b) qorinning ichki teshigi – 
anulus inguinalis abdominalis
bor, bu 
teshik qorin bo‘shlig‘iga ochiladi.