N. B. Dilmurodov

 
labni qisadi. Bu muskul otda va cho‘chqada yaxshi rivojlangan. 
Iyak muskuli
– 
m. mentalis 
pastki jag‘ning kesuvchi qismidan boshlanib, 
iyakning terisigacha boradi. Vazifasi: iyakni qisadi. Otlarning bu muskulida ko‘p 
miqdorda yog‘ to‘qimasi bo‘ladi. Itlarda yaxshi rivojlanmagan. 

---

Yonoq muskuli
– m. zygomaticus 
yuz do‘ngligidan lunjga tomon o‘tib, 
labning burchagigacha keladi. Vazifasi:
 
og‘iz burchagini orqaga tortadi. Qoramol, 
cho‘chqa va otlarda bir xil joylashadi, itlarda quloqning qalqonsimon tog‘ayidan 
boshlanadi. 
Burun-labni ko‘taruvchi muskul
– m. levator nasolabialis 
bu muskul yuza 
va chuqur qismlardan hamda pastki qovoq muskullaridan iborat. Muskulning yuza 
qismi – peshonaning teri osti muskulidan burunning yon qanotigacha va yuqori 
labgacha keladi. Muskulning chuqur qismi – yon tomonda yotadi va og‘iz burchagi 
oblastida, qoziq tishlar muskuli ostida tugaydi. Vazifasi:
 
labni va burunni 
ko‘taradi. Cho‘chqalarda – burun suyagidan yuqorigi labgacha keladi. Ot va itlarda 
xuddi qoramoldagidek joylashgan bo‘ladi. 
Qoziq tishlar muskuli
– 
m. caninus
yuz do‘ngligidan boshlanib, yuqorigi 
labda va burunning yon qanotida tugaydi. Otlarda – yuz tarog‘ining olidingi 
uchidan, to burunning yon qanoti va og‘izning to‘garak uchigacha boradi. 
Cho‘chqalarda – bu muskul ko‘z yoshi, yonoq va yuqorigi jag‘ning 
chuqurchalaridan boshlanib, burun teshigining burchagida tugaydi. Itlarda – ko‘z 
osti teshigi yonida boshlanadi va yuqorigi lab va burunning yon qanotida tugaydi. 
Yuqorigi labni ko‘taruvchi maxsus muskul 
– 
m. letator labii superiorius 
proprius 
yuz do‘ngligidan to burunning yuqorigi qismi hamda yuqorigi labgacha 
keladi. Vazifasi:
 
yuqorigi labni ko‘taradi. Otlarda – bu muskul ko‘z yoshi hamda 
yonoq suyaklaridan boshlanib, yuqorigi labda tugaydi. Cho‘chqalarda – ko‘z yoshi, 
yonoq va yuqorigi jag‘ning chuqurchalaridan boshlanib, xartumning yuqorigi 
burchagida tugaydi; bu xartumni ko‘taruvchi bo‘lib xizmat qiladi. Itlarda – 
yuqorigi jag‘ suyagidan boshlanib, burun teshigining burchagida payga aylanib 
tugaydi.