Murakkab sharoitlarda neft va gaz quduqlarini qazish

6.4. Quduqlarni mustahkamlash

Quduqlarini mustahkamlashning asosiy maqsadi quyidagilardan iborat:

1. Quduq og‘zi va uning alohida oraliqlarini o‘pirilishdan saqlash;

2. Quduq devorlaridagi berqaror tog‘ jinslarini mustahkamlash;

3. Qudukdagi neft, gaz va suvli gorizontlarni bir-biridan ajratish;

4. Suyuq va gazsimon foydali qazilmalarni yer yuziga chiqarish uchun kanal hosil qilish;

5. Quduq tubidan uning og‘ziga neftning ko‘tarilishini ta’minlash;

6. Quduqlarda sodir bo‘ladigan halokat va har xil asoratlarni oldini olish;

7. Maxsus va texnologik talablar (bo‘shliq va kovaklarni berkitish, fojiali yutilishlarni tugatish) ni bajarish;

8. Ishlatish kanalini qatlam suyuqliklari ta’sirida hosil bo‘ladigan turli tavsifdagi korroziyadan saqlash.

Burg‘ilash jarayonida quduq devorlari yuqori sifatli eritmalar, sement eritmalari va tez qotadigan aralashmalar bilan mustahkamlanadi.

Agar yuqorida qayd etilgan eritmalar talab etilgan samaralarni bermasa, mustahkamlovchi quvurlar yordamida mhakamlanadi.

Odatda, quduqlarni mahkamlash jarayonida mustahkamlovchi quvurlarning quyidagi turlari ajratiladi.

a) Yo‘naltiruvchi - quduq og‘zini mustahkamlashga xizmat qiladi;

b) Konduktor–beqaror tog‘ jinsi qatlamlarining ustki qismlarini mustahkamlashga mo‘ljallangan;

v) Oraliq quvurlar birikmasi – quduqqa konduktordan keyin tushirilib, quduqni chuqurlashtirish jarayonida sodir bo‘ladigan har xil asoratlarni bartaraf qilishda qo‘llaniladi; g) Ishlatish quvurlari birikmasi – mahsuldor qatlamlarni bir-biridan va boshqa gorizontlardan ajratishga hamda foydali qazilmalarni qazib chiqarish uchun xizmat qiladi.