Murakkab sharoitlarda neft va gaz quduqlarini qazish

6.3. Mustahkamlovchi quvurlar birikmasini

quduqga tushirishga tayyorlash

Quduqlarni loyiha bo‘yicha mustahkamlovchi quvurlar bilan mahkamlanadi.

Quduqlarni mustahkamlashdan oldin quyidagi ishlarni bajarish talab qilinadi.

Quvur va rezbalarni iflosliklardan tozalash;

Quvurlarning shikastlanish (rezbani ezilishi, darzlik, metallarning qatlamlanishi) darajasini tekshirish;

Quvurlarning diametri va uzunligini hamda 1,5 metr bo‘lgan quvurni o‘tkazish orqali ularning to‘g‘riligini tekshirish;

Quvurlarning uzunligini aniq o‘lchash.

Odatda, neft va gaz quduqlarini mahkamlashdan oldin mustahkamlovchi quvurlar katta bosim ostida yuviladi.

Burg‘ilash joyiga quvurlar bilan birga barcha mustahkamlash birikmasi ostining moslamalari ham keltiriladi. Bu moslama yo‘naltiruvchi tiqini 1, quvurning pastki uchi 2, qisqa patrubok 4, tayanch halqa 5 hamda markazlashtiruvchi fonardan tashkil topgan. Yo‘naltiruvchi tiqin boshmoqqa mahkamlanadi va mustahkamlovchi quvur birikmasining ostki qismini yo‘naltirishga xizmat qiladi. Tiqinlar yog‘och, cho‘yan va po‘latdantayyorlanadi. Quvurlar birikmasining boshmog‘i uzunligi 0,300-0,500 m bo‘lgan qalin devorli patrubokdan tashkil topadi va mustahkamlovchi quvurlarning eng pastki quvuriga o‘rnatiladi. Bu moslama quvurning uchki qismini ezilishini oldini oladi. Boshmoqning tashqi diametri mufta diametriga, ichki diametri esa quvur birikmasining ichki diametriga teng. Teskari to‘sqich 4 mustahkamlovchi quvurlar birikmasini quduqqa tushirishni yengillashtirishga, minoraning yuklanishini kamaytirishga mo‘ljallangan. Tayanch halqa qalinligi 0,12-0,15 m bo‘lgan cho‘yan shayba ko‘rinishida tayyorlanib, teskari to‘sqichdan 6-12 metr yuqoriroqda joylashgan muftaga o‘rnatiladi.