Murakkab sharoitlarda neft va gaz quduqlarini qazish

14.1. Burg‘ilashning birlamchi hujjatlar

Birlamchi hujjatlar – bu quduq burg‘ilashnining bir kecha-kunduzda bajarilgan hamma kompleks texnologik jarayonlarning ish natijalari to‘g‘risida yozma holda beriladigan raport, indikator vazn diagrammasi va burg‘ilash daftari hisoblanadi.

Burg‘ilash raporti – burg‘ilash ustozi tomonidan har kuni bir kecha kunduzda bajarilgan hamma ishlab chiqarish jarayonlarini va ularning har biriga sarflangan vaqtlarini ko‘rsatib yoziladigan hujjat.

Indikator vazn diagrammasi – bir kecha-kunduzdagi burg‘ilash operatsiyalarining ketma-ketligini, ularga sarflanadigan vaqtlarni, qatlamning solishtirma qarshiligini, burg’uga beriladigan o‘q yukini, kovlashning Mexanik tezligini aniqlashga mo‘ljallangan diagramma.

Burg‘ilash daftari – burg‘ilash jarayonlarini hujjatlashtiruvchi daftar bo‘lib, muntazam ravishda burg‘ilash ustozi tomonidan yozilgan raport va geologik-texnologik jarayonlarining materiallari asosida to‘ldirilib boriladigan hujjat.

Burg‘ilash daftarida burg‘ilash qudug‘i tuzilishining kesimi, kovlanish intervallari bo‘yicha chuqurligi, yuvuvchi eritmalarning tarkibi, sarfi, burg’u diametri, burg‘ilash qudug‘i kesimidagi tog‘ jinslarining nomi, qalinligi, tarkibi, qattiqligi, kernning chiqish darajasi, quduqdagi suyuqlik (neft, suv)larning turg‘inlik sathi, burg‘ilash asorat va halokatlari, shuningdek qo‘shimcha ravishda daftarda indikator vazn diagrammasi, inklinagramma, karotaj diagrammasi, kavernogramma va boshqa elektrometrik, radiometrik kabi ma’lumotlar qayd etiladi.

Shunday qilib burg‘ilash daftari butun burg‘ilash ishining mazmunini aniqlovchi hujjat bo‘lib, burg‘ilash ishlari tugagancha saqlanadi va keyin arxivga topshiriladi.