Murakkab sharoitlarda neft va gaz quduqlarini qazish

13.7-rasm. Kompressor usulida quduqlarni o‘zlashtirish jihozlarini sxemasi: 1-aerasiya suyuqligini chiqarib yuborish tizimi; 2-kompressor; 3-nasos agregati; 4-aralashtirgich; 5-nasos-kompressor quvuri; 6-quvur oralig‘i; 7-mahsuldor qatlam.

Porshenlash. Porshenlashda porshenli surishni amalga oshirishda nasos kompressor quvuri orqali pо‘lat arqonda quduqqa tushiriladi. Porshen quvur shaklida bо‘lib diametri 25-37,5 mm. li bо‘lgan klapanning pastki qismi yuqoriga ochiladi. Quvurning tashqi sirtiga simli tо‘r va 3-4 dona rezina manjeti о‘rnatiladi. Porshenni tushirishda quduqqa eritma porshen usti fazosidagi klapan orqali oqib kiradi. Porshenni kо‘tarishda klapan yopiladi, eritma ustunining bosimi ta’siridagi manjetlar NKQ devoriga tirkaladi va zichlanadi. Porshen bir marta kо‘tarilishi davomida qancha eritma sathiga botib turgan bо‘lsa, shu eritma ustunini olib chiqadi. Porshenni eritmaga botib turishi tortuvchi arqonning mustahkamligiga bog‘liq bо‘ladi, odatda 100-150 mm botiriladi.

Tortish usuli deb pо‘lat arqonni (diametri 16 mm) avtomobil chig‘irig‘i yordamida quduqqa tushiriladi, quduqdan nov orqali eritmani olib chiqishi jarayoniga aytiladi.

Nov uzunligi 7,5–8 m bо‘lgan quvurdan tayyorlanib, pastki qismida klapan mavjud. О‘q pastga tirkalgandan keyin klapan ochiladi.

Tarnovning yuqori qismi arqonni mustahkamlash uchun skoba bilan ta’minlangan. Tarnovning diametri mustahkamlash tizmasining diametrini 0,7 qismidan oshib ketmasligi kerak. Nov quduqqa bir martalik tushirish-kо‘tarish sikli davomida 0,06 m³ hajmdagi eritmani olib chiqadi.