Мужизакор бола

ФАРҚЛАЙ ОЛАДИМИ?

Мен, турмуш ўртоғим ва икки қизим Россиянинг Киров шаҳрида бир муддат яшаганмиз. Учинчи фарзандим шу ерда дунёга келган. Доимий шифокор назоратида эдик, шароитлар яхши. Ҳар ойда шифокор қабулига бориб турардик. Улар болани ҳар томонлама текшириб, тавсиялар беришар эди. Бир куни, қизалоғим бир ярим ёш бўлганида, шифокор қабулига бордим. Врач қизчамни текшириб, хорошо, деди. Сўнгра менга юзланиб:

- Болангиз рангларни фарқлай оляптими? - деб сўради.
Мен анграйиб колдим. Нима, бир ярим ёш бола рангларни ажратадими? Ёки нотўғри эшитдимми.
- Что, я непоняла, - дедим ажабланиб
У саволини яна такрорлади. Мен баттар ҳайратланиб, жағим иягимга тушиб қолди. Қандай қилиб шу ёшда бола рангларни фарқлаши мумкин. Буни шифокорга айтдим.

• 
  Ребёнок сама незнает. Вы мамичка, помогите ей. Что делаети дома тогда, - деб қолди. Мен довдираб қолдим.
  
• 
  Как я смогу ей научить, - деб сўрадим.
  

У менинг касбимни сўради. Мен, ўқитувчиман, дея олмай, уй бекасиман, дегандим ўшанда. Шифокор устимдан кулмади. Мулойимлик билан тушунтирди.
- Ҳар хил рангли шарларни оласиз, уларни ҳавога тўлдириб, унга тушунтирасиз. Ўйин тариқасида, бу қизил, бу сариқ, деб айтасиз. Машғулотни бир неча бор такрор-лайсиз. Кейин синаш учун уч хил шарни қўйиб: «Қайси бири қизил?» деб сўранг ёки, менга қизил шарни олиб бер, денг.
Бу менга ҳам дарс бўлган эди ўшанда. Бундан кўриниб турибдики, биз ота-оналар болаларимизни ёшлигидан бош-лаб илмга ўргатиб боришимиз лозим экан. Статистика маълумотларига кўра, бола 3-7 ёшгача бўлган даврда бошланғич 70% илмни ўзлаштирар экан. Биз эса ёш бола нимани ҳам биларди, деб бепарво юрган пайтимизда айни уларнинг ўрганадиган пайтлари бўларкан. Барча ривож-ланган давлатлар 3-6 ёшгача бўлган болаларни мактабгача таълим муассасаларига топширишади. Ва бу пайтда улар оладиган таълимга катта эътибор беришади. 6-7 та болага алоҳида гуруҳ ташкил этилган бўлиб, ҳар бир боланинг ўз иш ўрни мавжуд. Ҳар бир соҳа бўйича мутахассислар келиб, машғулот ўтадилар. Менга кўпроқ Япония ва Корея давлатларининг таълимга қаратилган ислоҳотлари жуда ҳам ёқди. Ҳавасим келди, очиғи. Вақти келиб, бизда ҳам шундай бўлади, албатта. Ўз вақтида Япониянинг икки катта шаҳрига атом бомбаси ташланганлиги ҳеч кимга сир эмас. Бунинг оқибатида шаҳар вайронага айланган эди. Лекин қисқа муддат ичида Япония яна оёққа тура олди. Ва ривожланган давлатлар ичида етакчи ўринларни эгаллаб турибди. Бунинг сири эса Япония бутун эътиборини таълим соҳасига қаратганида. Қайси соҳани ривожлантиришни олиб қарамайлик, барча соҳа бирдек таълим билан боғлиқдир. Таълим тараққиёт пойдеворидир.