Мужизакор бола

МЕН СЕНГА ИШОНАМАН

Фарзандларимга мен сенга ишонаман иборасини кўп ишлатаман. Шунинг учун бўлса керак, улар доим рост гапирадилар. Ҳатто, бирор нарсани йўқотиб синдириб, бузиб қўйган бўлсалар ҳам. Сиз болани билмай қилиб қўйган иши учун қаттиқ жазоласангиз, яна бир марта шундай қилгин сени нима қиларкинман, десангиз у кейинги сафар шундай бўлиб қолса сизга ростини айтадими?! Кейин нима қилишингизни ўйлаб қўрқади-ку. Болани жазолаш унинг қўрқиб қолишига ва ёлғон гапиришига сабаб бўлади. Авваллари мен ҳам уларни койир эдим. Кейин асосларни билиб олгач, яъни мен ўзимни ўзгартирганимдан сўнг қизиқ воқеа бўлди.

Тандир олдида нон ёпаётган эдим. Қизим олдимга келиб, деди:
- Она, мен синфда йиғилаётган 29000 сўм пулни йўқо-тиб қўйдим.
Хўш, айтинг-чи, мен нима дийишим керак эди? Лан-давур, пулни йўқотгунча ўзинг йўқолсанг бўлмайдими, дейми ёки шунақаям лапашанг қиз бўласанми, аҳмоқ, дейми. Ҳар икки ҳолатда ҳам пул қайтиб келмайди-ку.
- Майли, ҳечқиси йўқ, - дедим мен.
Қизим ҳайрон бўлди. У жаврашимни кутган экан, шекилли, тушунмади. Онам эшитмади, деб ўйлади.
- Она, мен 29000 сўм пулни йўқотиб қўйдим.
- Майли, ҳечқиси йўқ, - мен ҳам жавобимни такрор-ладим ва унга кўз қиримни ташладим. Унинг оғзи очилиб қолган эди. Ҳайрон бўлиб, учинчи марта яна сўради.
- Она, гапимни эшитяпсизми ўзи?
Энди ростакам у томон ўгирилиб қарадим.
- Эшитяпман, қизим. Ўша 29000 сўм пулни бераман, ўрнини тўлдириб қўй. Шунга ҳам диққат бўласанми. Лекин бундан кейин пул масаласида зийракроқ бўлгин. Беш қўл баробар бўлмаганидек, ўқувчилар ҳам ҳар хил оиладан келади, ҳушёр бўл, - дедим.
Қизимнинг чеҳраси очилди. У аввалгидек, қаттиқ гапи-ришимни кутганлиги учун барибир ҳайрон эди. Мен фар-зандларимнинг ҳеч бир қилиб қўйган иши учун жазола-майман, қўрқитмайман ҳам. Сизларга ҳам шуни тавсия қиламан. Чунки болалар ҳаёт ҳақидаги тушунчаларнинг, нима оқ, нима қора, нима яхши, нима ёмон эканлигини энди ўрганяпти-ку. Биз ҳаммамиз ҳам болалик чоғимизда бундай хатоларни қилганмиз. Ўзингизнинг болалик даврингизни эсга олинг. Бола ота-онасидан қўрқса, жазоланишдан қўрқиб, ёлғон гапиришга ўрганади. Қўрқиб эмас, ҳурмат қилганидан, болаларча беғубор кўнгли билан яхши кўрсин сизни.