"Молиявий менежмент" фанининг предмети, объекти

6.2. Бюджетлаштириш молиявий режалаштириш ва харажатларни назорат қилиш методи сифатида
Режа:

1. 
   Бизнес-режани тузиш тартиби ва таркиби. Бюджетлаштириш молиявий режалаштириш ва харажатларни назорат қилиш методи сифатида.
   
2. 
   Молиявий прогнозлаштириш ва унинг аҳамияти. Молиявий режалаштиришнинг таркибий тузилиши.
   

1-савол баёни. Бизнес режа нима ва нима учун уни тузадилар?
Бозор муносабатларига ўтиш билан режалаштириш йўқ бўлмайди, балки режалаштиришнинг буйруқбозлик ва директив характерига барҳам берилади.
Шу билан бир вақтда, корхонанинг долзарб масалаларини мақсадли ҳал этилишини таъминлаш ва танланган ривожланиш йўналишининг салбий ва ижобий жиҳатларини очиш воситаси сифатида бизнес режанинг аҳамияти ортиб боради.
Бизнес - режа бу:
- катталиги, фаолият соҳаси ва ташкилий-ҳуқуқий шаклидан қатъий назар ҳар қандай хўжалик юритувчи субъектнинг тадбиркорлик фаолиятини белгиловчи асосий режалаш ҳужжати ҳисобланади;
- зарурий ресурсларнинг барча турларини ҳамда мақсадга эришиш учун аниқ масалаларни ҳал этишнинг реал имкониятларини объектив ҳисобга олган ҳолда хўжалик фаолиятини амалга оширишнинг барча хўжалик харакатларини аниқ ва батафсил тавсифини ташкил қилади.
Бизнес-режани ишлаб чиқиш эҳтиёжи қуйдагилардан келиб чиқади:

1. 
   ички масалаларни ҳал этиш (корхонани бошқариш);
   
2. 
   ташқи масалаларни ҳал этиш (бошқа ҳамкорлар билан алоқа ўрнатиш);
   
3. 
   қимматли қоғозлар эмиссияси проспектларини ишлаб чиқиш;
   
4. 
   корхонанинг давлат томонидан қўллаб-қувватланишини асослаш;
   
5. 
   тижорат банкларидан кредит олиш учун ариза тайёрлаш;
   
6. 
   янги маҳсулот ишлаб чиқаришни ташкил этишда;
   
7. 
   эркин иқтисодий ҳудудларни ташкил этиш;
   
8. 
   хорижий инвестицияларини жалб этиш;
   
9. 
   корхонани хусусийлаштириш.
   

Бизнес режа мақсади:
1) қанча пул кераклигини, бунинг учун нима керак, қачон ва қанча вақтга талаб қилинишини аниқлаш;
2) корхона учун пул топиш;
3) корхонани тўғри бошқариш:
- бюджет;
- прогноз;
- мақсадли бошқариш;
- бухгалтерлик ҳисоботининг жавобгарлиги;
- иш / маҳсулот таннархи.