Молиявий ҳисоботнинг халкаро стандарти 13 Ҳаққоний қийматни баҳолаш Мақсади

Ҳаққоний қийматнинг таърифи 
9 
Мазкур МҲХС ҳаққоний қийматни баҳолаш санасида бозор иштирокчилари ўртасидаги 
одатий операцияда активни сотишда олиниши ёки мажбуриятни ўтказишда тўланиши 
мумкин бўлган нарх сифатида таърифлайди. 
10 
Б2-банд умумий ҳаққоний қийматни баҳолаш ёндашувини ифодалайди. 
Актив ёки мажбурият 
11 
Ҳаққоний қиймат муайян актив ёки мажбурият бўйича баҳоланади. Шу туфайли, ҳаққоний 
қийматни баҳолашда тадбиркорлик субъекти актив ёки мажбуриятнинг хусусиятларини 
инобатга олиши лозим, агарда бозор иштирокчилари баҳолаш санасида актив ёки 
мажбуриятни нархлашда ушбу хусусиятларни инобатга олиши мумкин бўлса. Бундай 
хусусиятлар, масалан, қуйидагиларни ўз ичига олади: 
(a) 
активнинг ҳолати ва жойлашуви; ва 
(б) 
актив сотилиши ёки фойдаланилиши бўйича чекловлар, агарда мавжуд бўлса. 
12 
Муайян хусусиятдан юзага келадиган баҳолашга таъсир хусусият бозор иштирокчилари томонидан 
қандай инобатга олиниши мумкинлигига қараб фарқланади. 
13 
Ҳаққоний қийматда баҳоланган актив ёки мажбурият қуйидагиларнинг бири бўлиши мумкин: 
(a) 
мустақил актив ёки мажбурият (масалан молиявий инструмент ёки номолиявий актив); ёки 
(б) 
активлар гуруҳи, мажбуриятлар гуруҳи ёки активлар ва мажбуриятлар гуруҳи (масалан 
пулни юзага келтирадиган бирлик ёки бизнес). 
14 
Актив ёки мажбурият тан олиш ёки очиб бериш мақсадларида мустақил актив ёки мажбурият, 
активлар гуруҳи, мажбуриятлар гуруҳи ёки активлар ва мажбуриятлар гуруҳи бўлиши унинг ўлчов 
бирлигига боғлиқ бўлади. Актив ёки мажбурият учун ўлчов бирлиги ҳаққоний қийматни баҳолашни 
талаб этадиган ёки унга рухсат берадиган МҲҲС га мувофиқ аниқланиши лозим, бундан мазкур 
МҲХС да таъминланган ҳолатлар мустасно. 
Операция