Модул бўйича соатлар тақсимоти

Биринчиси-Давлат ва жамият қурилиши тизимини такомиллаштиришнинг устувор йўналишлари. Унда асосий масала сифатида демократик ислоҳотларни чуқурлаштириш ва мамлакатни модернизация қилишда Олий Мажлис палаталари, сиёсий партияларнинг ролини янада кучайтириш; давлат бошқаруви тизимини ислоҳ қилиш; жамоатчилик бошқаруви тизимини такомиллаштириш вазифаларига алоҳида эътибор қаратилган.
Иккинчиси - Қонун устуворлигини таъминлаш ва суд-ҳуқуқ тизимини янада ислоҳ қилишнинг устувор йўналишлари. Унда суд ҳокимиятининг чинакам мустақиллигини таъминлаш, суднинг нуфузини ошириш, суд тизимини демократлаштириш ва такомиллаштириш; фуқароларнинг ҳуқуқ ва эркинликларини ишончли ҳимоя қилиш кафолатларини таъминлаш; маъмурий, жиноят, фуқаролик ва хўжалик қонунчилигини такомиллаштириш; жиноятчиликка қарши курашиш ва ҳуқуқбузарликларнинг олдини олиш тизимини такомиллаштириш; суд-ҳуқуқ тизимида қонунийликни янада мустаҳкамлаш; юридик ёрдам ва хизмат кўрсатиш тизимини такомиллаштириш масалалари муҳим ўрин олган.
Учинчиси - Иқтисодиётни ривожлантириш ва либераллаштиришнинг устувор йўналишари. Макроиқтисодий барқарорликни янада мустаҳкамлаш ва юқори иқтисодий ўсиш суръатларини сақлаб қолиш; таркибий ўзгартиришларни чуқурлаштириш, миллий иқтисодиётнинг етакчи тармоқларини модернизация ва диверсификация қилиш ҳисобига унинг рақобатбардошлигини ошириш; қишлоқ хўжалигини модернизация қилиш ва жадал ривожлантириш; иқтисодиётда давлат иштирокини камайтириш, хусусий мулк ҳуқуқини ҳимоя қилиш ва уни устувор мавқеини янада кучайтириш, кичик бизнес ва хусусий тадбиркорлик ривожинирағбатлантиришга қаратилган институционал ва таркибий ислоҳотларни давом эттириш; вилоят, туман ва шаҳарларни комплекс ва мутаносиб ижтимоий-иқтисодий ривожлантириш, уларнинг мавжуд салоҳиятидан самарали ва оптимал фойдаланиш масалаларининг ечими бу йўналишга асос қилиб олинган.
Тўртинчиси - Ижтимоий соҳани ривожлантиришнинг устувор йўналишлари. Аҳоли бандлиги ва реал даромадларини изчил ошириш; аҳолини ижтимоий ҳимоя қилиш ва соғлиқни сақлаш тизимини такомиллаштириш, хотин-қизларнинг ижтимоий-сиёсий фаоллигини ошириш; арзон уй-жойлар барпо этиш бўйича мақсадли дастурларни амалга ошириш, аҳолининг ҳаёт шароитлари яхшиланишини таъминловчи йўл-транспорт, муҳандислик-коммуникация ва ижтимоий инфратузилмани ривожлантириш ҳамда модернизация қилиш; таълим ва фан соҳасини ривожлантириш; ёшларга оид давлат сиёсатини такомиллаштириш вазифаларига алоҳида эътибор қаратилиши белгилаб олинди.
Бешинчиси - Хавфсизлик, миллатлараро тотувлик ва диний бағрикенгликни таъминлаш ҳамда чуқур ўйланган, ўзаро манфаатли ва амалий ташқи сиёсат соҳасидаги устувор йўналишлар. Хавфсизлик, диний бағрикенглик ва миллатлараро тотувликни таъминлаш соҳасидаги устувор вазифаларга алоҳида эътибор қаратилиши лозим. Аҳолининг турли қатламлари ўртасидаги ижтимоий ҳамкорлик, миллатлараро тотувлик, диний бағрикенглик тамойилларининг ҳаётда қарор топтириш ижтимоий тараққиётнинг муҳим шартидир. Шунингдек Ватанимизнинг тараққиёти, барқарорлиги масалаларининг ечими маълум бир жиҳатдан чуқур ўйланган, ўзаро манфаатли ва амалий ташқи сиёсатга ҳам боғлиқдир.