Модул бўйича соатлар тақсимоти

1.2. Ўзбекистон Республикасини янада ривожлантириш бўйича Ҳаракатлар стратегиясининг ишлаб чиқиши ва унинг моҳияти.
2017 йилнинг 7 феврали Ватанимиз тарихининг энг муҳим саҳифаларидан бири бўлиб қолди. Бу кун-Ўзбекистон Республикаси Президентининг “2017-2021 йилларда Ўзбекистон Республикасининг ривожлантиришнинг бешта устувор йўналишлари бўйича Ҳаракатлар Стратегияси тўғрисида”ги Фармони қабул қилинди.
“2017-2021 йилларда Ўзбекистон Республикасининг ривожлантиришнинг бешта устувор йўналишлари бўйича Ҳаракатлар Стратегияси “ ишлаб чиқилгандан сўнг умумхалқ муҳокамасига қўйилди. Турли ахборот майдонларида жойлаштирилди 1310 тадан ортиқ таклиф ва мулоҳаза тушди ва улар стратегиянинг 41та бандига ўзгартириш киритишга асос бўлди.
2017 йилда 23-27 январь кунлари Тошкент шаҳрида медиа-ҳарфталик ва халқаро давра суҳбати ўтказилди ва унда 1500 дан ортиқ мутахассис , эксперт жамоатчилик , ОАВ, халқаро ташкилотларнинг вакиллари, шунингдек Ўзбекистонда фаолият кўрсатаётган йирик инвесторлар иштирок этдилар.
Ҳаракатлар Стратегиясини ишлаб чиқишга 3 та масала асос бўлди:

1. 
   Ўзбекистон Республикаси Президенти Шавкат Мирзиёевнинг Ўзбекистон Республикаси Конституцияси қабул қилинганининг 24 йиллигига бағишланган тантанали маросимдаги маърузасида белгилаб берилган устувор вазифалар;
   
2. 
   Ўзбекистон Республикаси Президенти Шавкат Мирзиёевнинг 2016 йил 14 декабрь куни Олий Мажлис Қонунчилик Палатаси ва Сенатининг қўшма мажлисидаги нутқида берилган топшириқлар;
   
3. 
   2017 йилни “Халқ билан мулоқот ва инсон манфаатлари йили” деб эълон қилинганлиги.
   

Ҳаракатлар Стратегиясининг мақсади: олиб борилаётган ислоҳотлар самарадорлигини тубдан ошириш, давлат ва жамиятнинг ҳар томонлама ва жадал ривожланишини таъминлаш учун шарт-шароитлар яратишдан, мамлакатни модернизациялаш ва ҳаётнинг барча соҳаларини эркинлаштиришдан иборат.

Ҳозирги кунда мамлакатимизда 110000 та нодавлат , нотижорат ташкилотлари, 10000 та маҳалла ва 1326 тадан ортиқ Оммавий Ахборот Воситалари фаолият кўрсатаяпти.

Ҳаракатлар стратегиясининг “Хавф­сизлик, миллатлараро тотувлик ва диний бағрикенгликни таъминлаш, чуқур ўйланган, ўзаро манфаатли ва амалий руҳдаги ташқи сиёсат юритиш” деб номланган бешинчи йўналишида ҳам айни масалалар қамраб олинган. Унда юртимизнинг конституциявий тузуми, суверенитети, ҳудудий яхлитлигини ҳимоя қилиш, Ўзбекистон Республикаси Қуролли Кучларининг жанговар қудрати ва қобилиятини оширишга доир чора-тадбирларни рўёбга чиқаришга қаратилган вазифалар белгиланган. Бу борада, хусусан, киберхавфсизлик соҳасида ахборот, меъёрий-ҳуқуқий асослар тизимини такомиллаштириш, аҳолини фавқулодда вазиятлардан хабардор қилиш тизимини ташкил этиш ва ривожлантириш, Орол фожиасининг оқибатларини юмшатиш, шунингдек, миллатлар­аро муносабатлар соҳасидаги сиёсатнинг устувор йўналишлари концепциясини ҳамда диний соҳадаги давлат сиёсати концепциясини ишлаб чиқиш назарда тутилмоқда.
Ҳаракатлар стратегиясида миллатлараро тотувлик ҳамда диний бағрикенгликни таъминлаш масаласига кенг ўрин берилгани бежиз эмас. Чунки Бош қомусимизнинг 18-моддасида қайд этилганидек, Ўзбекистон Республикасида барча фуқаролар бир хил ҳуқуқ ва эркинликларга эга бўлиб, жинси, ирқи, миллати, тили, дини, ижтимоий келиб чиқиши, эътиқоди, шахсий ва ижтимоий мавқеидан қатъи назар қонун олдида тенгдирлар. Бугун юртимизда 130 дан ортиқ турли миллат ва элат вакиллари ўзаро иноқ, дўст бўлиб яшаб келмоқда. Миллатлараро тотувлик қарор топган жамиятда эса тинчлик ва фаровонлик бўлади, шу юртнинг барча фуқароси бир замин, бир Ватанда олижаноб ғоя ва ниятлар йўлида ҳамкор ва ҳамжиҳат бўлиб ҳаракат қилади.
2017−2021 йилларга мўлжалланган Ўзбекистонни ривожлантириш бўйича Ҳаракатлар стратегияси бешта устувор йўналишдан иборат. Улар: