Модул бўйича соатлар тақсимоти

Сайловолди учрашувларида Шавкат Мирзиёевнинг сўзлаган нутқлари:

Сайловолди учрашуви ўтказилган вилоят	Учрашувдаги нутқ мавзуси	Ўтказилган вақти ва жойи
Андижон вилояти	Замон билан ҳамнафас диёр	2016 йил 1 ноябрь. Бўз тумани
Фарғона вилояти	Олтин водий дурдонаси	Риштон тумани, 2016 йил 1 ноябрь
Наманган вилояти	Гўзал ва бетакрор ўлка	Учқўрғон тумани. 2016 йил 2 ноябрь
Навоий вилояти	Мамлакатимизнинг жавохир хазинаси	Нурота тумани. 2016 йил 4 ноябрь
Бухоро вилояти	Илму маърифат, дину диёнат, бунёдкорлик билан ном қозонган халқ	Ғиждувон тумани, 2016 йил 4 ноябрь
Самарқанд вилояти	Самарқанд ер юзининг сайқали	Каттақўрғон шаҳри,2016 йил 8 ноябрь
Қорақалпоғистон Республикаси	Юрагимга, қалбимга яқин инсонлар	Шуманай тумани, 2016 йил 10 ноябрь
Хоразм вилояти	Оққан дарё асло тўхтамас	Шовот тумани, 2016 йил 11 ноябрь
Сурхондарё вилояти	Оқ кўнгил, ориятли ва меҳнаткаш инсонлар юрти	Қумқўрғон тумани 2016 йил 15 ноябрь
Қашқадарё вилояти	Ҳар қандай синовларни енгишга қодир халқ	Шаҳрисабз тумани, 2016 йил 16 ноябрь
Жиззах вилояти	“ Шундай ўлка доим бор бўлсин”	Арнасой тумани, 2016 йил 18 ноябрь
Сирдарё вилояти	Саҳро бағрида мўъжизалар яратаётган эл	Сардоба тумани, 2016 йил 19 ноябрь
Тошкент вилояти	Юксак таърифларга муносиб замин	Оққўрғон тумани, 2016 йил 22 ноябрь
Тошкент шаҳри	Тошкент барчамиз учун онадек улуғ ва мўътабардир	Симпозиумлар саройи,2016 йил 24 ноябрь

Сайловолди учрашувларида сўзлаган нутқларида Республикамизнинг барча вилоятлари, Қорақалпоғистон Республикаси ва Тошкент шаҳрида мавжуд муаммолар ва уларнинг ечими бир неча йўналишларда таҳлил қилинди.

Шу боисдан ҳам сайловолди учрашувларида илгари сурилган долзарб вазифалар ҳам “2017-2021 йилларда Ўзбекистон Республикасини янада ривожлантиришнинг бешта устувор йўналишлари бўйича “ Ҳаракатлар стратегияси”га асос қилиб олинди. Сайловолди учрашувларида илгари сурилган концептуал вазифалар Ўзбекистон Республикаси Президенти Шавкат Мирзиёев томонидан демократик ислоҳотларни изчил давом эттиришга ҳам асос бўлди, дейиш мумкин.
Маълумки, 2016 йил 4 декабрь куни Ўзбекистондаги бошқа сиёсий партиялардан илгари сурилган номзодлар билан муқобиллик асосида сайловлар бўлиб ўтди. Бунда Шавкат Мирзиёев мутлақ (15 миллион 906 минг 724 киши ) 88,61 фоиз овоз билан Ўзбекистон Республикаси Президенти этиб сайланди. 2016 йил 14 декабрдан бошлаб Шавкат Мирзиёев Президентлик лавозимини бажаришга киришди. Ўзбекистон Республикаси Президенти лавозимига киришиш тантанали маросимига бағишланган Олий Мажлис палаталарининг қўшма мажлисидаги “Эркин ва обод, демократик жамиятни барчамиз биргаликда барпо этамиз” номли маърузаларида (2016йил 14декабрь) бугунги даврнинг муҳим вазифаларини ва уларни ҳал этишнинг конструктив йўлларни белгилаб бердилар.
Давлатимиз раҳбари Конститутциямиз қабул қилинганининг 24 йиллигига бағишланган тантанали маросимдаги “ Қонун устуворлиги ва инсон манфаатларини таъминлаш-юрт тараққиёти ва халқ фаравонлигининг гарови” номли маърузасида инсон манфаатларини таъминлаш учун, аввало, одамлар билан мулоқот қилиш, уларнинг дарду -ташвишлари, орзу-ниятлари, ҳаётий муаммо ва эҳтиёжларини яхши билишлари кераклигини таъкидлар экан, халқимиз дилидаги, жамиятимиздаги оғриқли бир муаммони кун тартибига қўйди: “Биз кейинги пайтда одамлар билан мулоқот қилишни унутиб қўйдик.” Уларнинг ичига кириб, очиқ ва самимий гаплашиш, дардини эшитиш бизнинг фаолиятимизда, афсуски, охирги ўринга тушиб қолди”³
Шу боис икки-уч йил олдин аксарият одамлар ўзи яшаётган ҳудудлардаги маҳаллий ҳокимят идоралари раҳбарларини, вазирларни деярли танимас эди. Уларни халққа яқинлаштиришда ошкора мулоқот билан биргаликда виртуал қабулхонанинг ўрни ҳам беқиёс бўлди. Афсуски, Ўзбекистон тараққиётини кўролмайдиган мухолифларимиз бу масалага ҳам ўзгача ёндашдилар. Хориждаги ва ичкаридаги айрим “дўст“ларимиз Виртуал қабулхона ташкил этилгач , бу “Шавкат Мирзиёевнинг сайловолди “пиар”и деб талқин этдилар. Бу тизим Президент сайловидан сўнг ўз-ўзидан унутилади”,деб “башорат” ҳам қилдилар. Бироқ амалда бунинг акси бўлди. “Башоратчилар”лар уялиб қолишди.
Шавкат Мирзиёев Ўзбекистон Республикаси Президенти лавозимига киришиши тантанали маросимига бағишланган Олий Мажлис палаталарининг қўшма мажлисидаги “Эркин ва обод, демократик жамиятни барчамиз биргаликда барпо этамиз”деб номланган маърузасида халқ ичига кириб бориш, халқни рози қилиб яшаш, халқнинг арзу-додини эшитиш, инсонларнинг дарду- ташвишларини ўйлаб яшаш одамийликнинг энг олий мезони эканлиги тўғрисидаги концептуал ғояларни илгари сурдилар: “Ҳаммамизни тарбиялаган, вояга етказган-шу халқ. Барчамизга туз- насиба берган ҳам-шу халқ. Бизга ишонч билдирган, раҳбар қилиб сайлаган ҳам айнан шу халқ. Шундай экан, биз биринчи навбатда ким билан мулоқот қилишимиз керак-одамларимиз билан.