Microsoft Word togaymurod otamdan qolgan dalalar lotin ziyouz com doc

 
19
Bobomiz bola-baqrasi omon-eson Denovlab keladi. 
Aybi — to‘ng‘ich o‘g‘li bir boshqa bo‘lib keladi. 
Ana shu to‘ng‘ich o‘g‘il Aqrab bizning otamiz bo‘ladi. 
 

---

Tog‘ay Murod. Otamdan qolgan dalalar (roman) 
www.ziyouz.com
kutubxonasi 
14
20 
Otamiz qoq tunda to‘shakdan turib ketadi. Soya-sharpasiz tashqarilaydi. Gap-so‘zsiz tashqarilaydi. 
Zim-ziyo supada qo‘l ket etib turadi. Tevarakka oqposhshona-oqposhshona boqib so‘zlaydi: 
— Sartlar! — deydi. 
Oyoqlari ostida yotmish kosovni miltiq qilib peshlaydi. Miltiq peshlab-peshlab odamlaydi. 
— Chuchelalar! — deydi. 
Hovlini aylanadi-aylanadi — narvondan tomlaydi. 
Tomda qishloq uzra miltiq o‘qtalib-o‘qtalib turadi. 
— Yotilsin! — deydi. Qishloqdan itlar huradi. 
Otamiz it hurmish tarafga miltiq o‘qtaladi. 
— O‘chir, sart-sobaka, o‘chir! — deydi. 
Qiblada oy bir oqarish beradi, bir qorayish beradi. 
Otamiz oqarish bermish oyga miltiq o‘qtaladi. 
— Yo‘qol, sart-sobaka, yo‘qol! — deydi. 
 
21 
Bobomiz tashqaridan eshitilmish ovozdan uyg‘onadi. 
Qabatini paypaslaydi. Nima gapligini payqaydi. Sapchib tashqarilaydi. 
Bobomiz supada haykal misol qotadi. 
Oshxona taraf quloq tutadi. Darvoza taraf quloq tutadi. Molxona taraf quloq tutadi. 
Ovoz qaerdan kelayapti — bilolmaydi. 
Oy qorayish beradi. 
Otamiz qorayish bermish oyga miltiq o‘qtaladi. 
— Otilsin! — deydi. 
Otamiz: «pup-pup-pup», deya, kosovdan to‘p otadi. 
Bobomiz ana shunda otamiz qaerdaligini bilib oladi. 
Oyoq uchida narvonni topib oladi. Ohista-ohista tomlaydi. 
Tomda o‘rmalab boradi-o‘rmalab boradi —otamiz ketidan mahkam quchoqlab oladi. 
Otamiz tom tashlab-tom tashlab yig‘laydi. Otamiz oyoq tirab-oyoq tirab yig‘laydi. 
Bobomiz otamizni tomdan ko‘tarib tushiradi.