Microsoft Word togaymurod otamdan qolgan dalalar lotin ziyouz com doc

www.ziyouz.com
kutubxonasi 
13
Ashal no‘g‘ay bobomiz qabatidan kamzul to‘shaydi. «Ollohu akbar»... deya, quloq qoqib 
boshlaydi. 
Bir so‘z namozdan bo‘ladi, bir so‘z amaldan bo‘ladi: 
— Quloq sol, Ketmon, quloq sol, — deydi. — Oqpodsho mulla Namoz bilan muhorabachilarni 
qidirmoqda. 
— Meni kim aytdi? 
— Birov aytmadi. Oqpodsho erkak zotini ushlab qamayapti. 
— Qamasa-qamar. 
— Oqposhsho osiy bandalarni osib o‘ldirmoqqa hukm qildi. Ibrat bo‘lsin uchun butun xalq oldida 
osadilar. Bitta shahid o‘ris joni uchun o‘nta o‘zbakni osadilar. Alhol, senga-da shul hukm joriy etiladi. 
— Mening qo‘lim qon emas. 
— Unda, O‘rusiyaga surgun etadilar. Hali, anavilar seni qoratuproqqa jo‘natamiz, deydilar. Shu 
gapda jon bo‘ladi. Ikki yuzdan oshiq zabardast o‘zbakni ichkari O‘rusiyaga surgun etadilar. 
Bir so‘z namozdan bo‘la beradi, bir so‘z amaldan bo‘la beradi: 
— Endi men nima qilayin? 
— Qoch. 
— Bola-chaqamni tashlab qayoqqa qochaman? 
— Boshing oqqan tarafga qoch. 
— Anavilar ko‘z uzmaydi, qanday qilib qochaman
e
— O‘zingni soyga ot. Joyingdan turma-da, soy tubigacha yumalab-yumalab bor. Bet-boshing 
yoriladi, oyoq-qo‘ling lat yeydi. Alhol, omon qolasan. Bo‘l-bo‘l. 
Bobomiz birdan soy taraf chopadi. Misoli suvga kalla qilmishday — o‘zini soyga otadi. Oqpodsho 
hayallab keladi. 
— To‘xta, otaman, to‘xta! — deydi. 
Oqpodsho qasur-qusur yumalamish toshlarni ko‘zlab miltiq bo‘shatadi. 
Oqpodsho soy yoqalab chopadi-chopadi — soy enajak so‘qmoq topolmaydi. 
Bobomiz toshlar bilan yumalaydi-yumalaydi — yovvoyi bodomlar aro g‘oyib bo‘ladi. 
 
18
Bobomiz tog‘ yonalab enadi-enadi — Isfarada manzil oladi. 
Isfarada-da Oqpodsho bo‘ladi. 
Farg‘ona bobomizga torlik qilib qoladi. 
Bobomiz Oqpodsho yo‘q yurt izlab yuradi-yuradi — Dushanba keladi. 
«Tili boshqa aslo el bo‘lmaydi». 
Bobomiz ana shunday o‘y bilan tag‘in yo‘l oladi. 
Yuradi-yuradi — Denov keladi. 
Denov bekligi Buxoro amirligida bo‘ladi. 
Bobomiz Denovni makon etadi. 
Kuzi bilan mardikorlik qiladi. 
Qishda odam yollaydi— Farg‘onadan bola-baqrasini oldirib keladi.