Microsoft Word Bolalar nevrologiyasi end doc

Patologik reflekslar.
Po‘stloq-miya so‘g‘oni va po‘stloq-orqa miya harakatlantiruvchi yo‘llarining 
zararlanishi shartsiz reflekslarning o‘zgarishidan tashqari yana patologik 
reflekslarning paydo bo‘lishiga olib keladi. Ularga pay reflekslarining yuqori 

---

 80
darajada oshib ketishi natijasida vujudga keluvchi klonuslar kiradi. Klonuslar 
mushaklar payini taranglashtirilganda kuzatiladi.
Tizza qopqog‘i klonusi
bemor chalqancha yotganda chaqiriladi. Buning 
uchun vrach birinchi va ikkinchi barmoqlari bilan birdaniga tizza qopqog‘ini 
oldinga siljitadi va bu holatda ushlab turadi. Sonning to‘rt boshli mushagining payi 
taranglashgani uchun u to‘xtovsiz qisqara boshlaydi va tizza qopqog‘ining ritmik 
tortishishiga olib keladi.
Oyoq kafti klonusi
ham bemorni chalqancha yotgan holatida chaqiriladi. 
Bemor oyog‘i tizza bo‘g‘imida biroz bukiladi va chap qo‘l bilan boldiridan ushlab 
turiladi, o‘ng qo‘l bilan esa oyoq kaftini birdaniga bukiladi va shu holda ushlab 
turiladi. Bunda axill payi taranglashishi natijasida oyoq panjasida to‘xtovsiz ritmik 
qisqarish paydo bo‘ladi.
Qo‘l barmoqlarida ham ularni bilak-kaft usti bo‘g‘imida to‘satdan 
yozilganda klonusni ko‘rish mumkin.
Oyoqdagi patologik reflekslar.
Babinski belgisi – birinchi belgisi oyoq kafti terisini tashqi tomondan to 
barmoqlar asosigacha shtrix chiziladi, bunga javoban oyoq panjasining bosh 
barmog‘i yoziladi, qolganlari esa elpig‘ichga o‘xshab ochiladi.
Oppengeym patologik refleksi – agar katta boldir suyagining yuqori 
qismidan, bosh barmoq bilan bosib turib, barmoqni pastga qarab yurgizilsa, oyoq 
panjasining bosh barmog‘i yoziladi. 
Gordon refleksi – boldir mushagini qo‘l kafti bilan siqilganda oyoq 
panjasining bosh barmog‘i yoziladi, qolgan barmoqlar esa elpig‘ichga o‘xshab 
ochiladi.
Sheffer belgisi – bemorni axill payini siqilganda oyoq panjasining bosh 
barmog‘i yoziladi.
Rossolimo belgisi – bolg‘acha bilan oyoq panjasini falangalariga yoki qo‘l 
barmoqlarining uchi bilan bemorning oyoq panja yostiqchalariga engil urilganda, 
(II-V) barmoq falangalari pastga bukilib yana yoziladi. 
Bexterev belgisi – nevrologik bolg‘acha bilan oyoq kaftining tashqi yuzasiga 
urilganda, II-V barmoqlar pastga bukilib yana yoziladi.
Jukovskiy belgisi – nevrologik bolg‘acha bilan oyoq kaftining o‘rta qismiga 
urilsa, barmoqlar pastga bukilib, yana yoziladi.