Microsoft Word Bolalar nevrologiyasi end doc

Qo‘ldagi patologik reflekslar.
Yanishevskiyning ushlab oluvchi refleksi bemorning qo‘l kaftiga buyum 
qo‘yilsa u ixtiyorsiz ravishda buyumni ushlab oladi.
Jukovskiy-Kornikov belgisi – nevrologik bolg‘acha bilan qo‘l kaftining III-
V barmoqlariga urilsa, ular bukiladi. Rossolimo patologik refleksini qo‘l 
barmoqlarida ham chaqirish mumkin.
Oral avtomatizmi belgilari belgisi.
Bular patologik reflekslar orasida alohida gupuhni tashkil qiladi va bosh 
miyaning ikkala yarim sharida bo‘ladigan ko‘p o‘choqli patologik jarayonlarda 
paydo bo‘ladi, bunga sabab bulbar markazlarga po‘stloqning tormozlovchi 
ta’sirining yo‘qolishidir (ya’ni kortiko-bulbar aloqasining buzilishidir). 

---

 81
Oral avtomatizmi belgilariga quyidagilar kiradi: 
Astvasaturovning burun-lab refleksi, nevrologik bolg‘acha bilan burun 
ildiziga urilsa og‘izning aylana mushagi qisqaradi va lab oldinga cho‘chchayadi- 
reflektor yoyini – V juft nervning teri tolasi, ko‘prik, yuz nervi hosil qiladi. Hartum 
refleksi – bolg‘acha bilan labga uriladi, bunga javoban lablar oldinga 
cho‘chchayadi, reflektor yoyini – V juft, ko‘prik VII juft bosh miya nervi hosil 
qiladi.
Og‘iz refleksi – ma’lum masofadan turib nevrologik bolg‘achani bemor 
og‘ziga yaqinlashtirilsa uning lablari oldinga «hartumga» o‘xshab cho‘chchayadi- 
reflektor yoyini: V juft, miya oyoqchasi, ko‘prik va VII juft bosh miya nervi hosil 
qiladi.
So‘rish refleksi bemorni lablariga biror buyumni tekkizilsa so‘rishga 
o‘xshash harakat paydo bo‘ladi. Reflektor yoyini: V juft, ko‘prik, VII juft bosh 
miya nervi hosil qiladi.
Kaft-engak yoki Marineska-Radovich refleksi – bemorning kaftidagi bosh 
barmoq do‘ngligiga chizilganda, engak mushagi qisqaradi- reflektor yoyini – oraliq 
nerv, orqa miyaning bo‘yin qismi, uzunchoq miya, ko‘prik hosil qiladi. Himoya 
reflekslari ham piramida tizimining zararlanish belgisiga kiradi va bosh miya 
po‘stlog‘i bilan orqa miya o‘rtasidagi aloqani buzilganligidan dalolat beradi. 
Masalan, chalqancha yotgan bemorni falajlangan oyog‘iga nina sanchilsa, 
falajlangan oyoq ixtiyorsiz holda bukila boshlaydi. Oyoq panjasini qitiqlansa tizza 
bo‘g‘imi va chanoq son bo‘g‘imida bukilish harakati sodir bo‘ladi. Himoya 
reflekslarini tekshirish, patologik jarayonni orqa miyani qayerida joylashganligini 
aniqlashga yordam beradi.