Microsoft Word Bolalar nevrologiyasi end doc

Tashhis:
 
qiyinchilik tug‘dirmaydi. KTda keng ohaklanish sohalari 
aniqlanadi, bular yosh o‘tgan sari kuchayib boradi. Ohaklanish miyaning orqa 
sohalarida aniqlanadi. Ko‘pchilik bemorlarda assimetrik miya atrofiyasi 
aniqlanadi.
Davosi:
samarasi kam va nospetsefik talvasaga qarshi dorilar qo‘llaniladi. 
Kosmetik jihatdan kriodistruktsiya qilinadi.
 
 

---

 375
Tizimli serebrovisseral angiomatoz (Gippel-Landau kasalligi) 
Bu kasallik autosom – dominant yo‘l bilan o‘tadi. Lekin sporadik holatlar 
ham uchraydi, bunda a’zolarni izolyatsiyalangan shikastlanishi aniqlanib, ularda 
kistoz hosilalar yoki o‘smalar hosil bo‘ladi.
Bu kasallik qon tomir kapillyarlarini rivojlanish nuqsonlari bilan bog‘liq 
bo‘lib, miyacha angiretikulomatozi bilan kechadi. Angiomatoz natijasida 
miyachani zararlanishi Landau o‘smasi deb belgilanadi, to‘r parda angiomatozi –
Gippel o‘smasi deb belgilanadi.
Patomorfologik 
miyacha angioretikulomasi qizil, ko‘kimtir-qizg‘ish yoki 
sariq rangdagi atrofdagi to‘qima bilan chegaralangan o‘smasimon tugun 
ko‘rinishida bo‘ladi. O‘sma rangi tomirlar soni va yog‘ qatlamiga bog‘liq. 
Ko‘pchilik hollarda kichkina tomirli o‘sma katta kista ichida joylashadi va 
ksantoxrom suyuqlik bilan to‘lgan bo‘ladi. Ko‘pincha o‘sma miyacha yuzasiga 
yaqin joylashadi. Katta yarim sharlarda va orqa miyada o‘smalar kamdan kam 
uchraydi. Ko‘pincha o‘smalar ko‘zning to‘r pardasida uchraydi.
Klinikasi:
 
miyacha yoki ko‘zning to‘r pardasini zararlanish belgilari 18-50 
yoshlarda paydo bo‘ladi. Birinchi belgi bo‘lib bosh og‘riq, bosh aylanishi, ko‘ngil 
aynish, qusish, ba’zan ruhiyatni buzilishi hisoblanadi. Obyektiv quyidagilar 
aniqlanadi: yurganda gandraklash, Romberg holatini noturg‘unligi, skandirlangan 
nutq, harakat koordinatsiyasini buzilishi. Nisbatan erta ko‘ruv nervi diskini 
dimlanishi aniqlanadi.
Ko‘zning to‘r pardasi zararlanganda ko‘z tubida kasallikning erta davrida 
tomirlarni kengayishi aniqlanadi, ular to‘r pardaning periferiyasida joylashgan qon 
tomirlar bo‘lib, kasallikning kechki davrida shishish va gemorragiya bilan 
kechuvchi reaktiv tomirlar yallig‘lanishi kuzatiladi, bunda to‘r pardaning 
glaukoma, uveit va boshqa kasalliklari bo‘lishi mumkin.
Tizimli angiomatozda ichki a’zolarning zararlanishi rivojlanish nuqsonlari 
va o‘smalar bilan kechadi. Uzoq vaqt davomida kasallik latent kechadi va qator 
hollarda yorib ko‘rilganda aniqlanadi. Ko‘pincha buyraklar polikistozi, kam 
hollarda – gipernefromalar va buyrak usti bezi o‘smalari – orexromatsitomalar 
aniqlaniladi. Shu o‘smalar miyacha angioretikulomasidan keyin letal natijaga olib 
keladi. Ba’zan me’da osti bezida, jigar, taloqda klinik belgilarsiz kechuvchi ichki 
a’zolarni KT qilganda uchraydigan kistalar aniqlanadi,