Microsoft Word Bolalar nevrologiyasi end doc

77-rasm.
 Dejerin-Klyumpke pleksiti. 
Kaft “qush” kaftiga o‘xshab qoladi. Qo‘lni distal 
qismidagi reflekslar chaqirilmaydi. Yelka, tirsak, kaftni 
ichki yuzasida sezgi gipesteziyasi yoki anesteziya 
kuzatiladi. Yelka chigalini bu turdagi falajining ko‘p 
hollarda Klod-Bernar-Gorner sindromi paydo bo‘ladi.
3. Total zararlanishda yelka chigalining hamma nerv 
o‘zaklari shikastlanganda kuzatiladi va qo‘lda og‘riq 
bo‘ladi, yuzaki; chuqur sezgilarning gipesteziyasi 
/anesteziya/ va yelka, tirsak, kaft, barmoq mushaklarida 
diffuz gipotoniya, atrofiya, qo‘ldagi pay, suyak usti 
reflekslarini gipo yoki arefleksiyasi bilan xarakterlanadi. Yelka chigalini total 
zararlanishida qo‘pol trofik o‘zgarishlar /tirsak, kaftni shishishi, terini 
yupqalashishi yoki giperkeratoz, teri rangini va haroratini o‘zgarishi/ xosdir.
78-rasm.
 Total yelka pleksiti.
 
Differensial diagnostikasi.
 
Yelka chigali nevropatiyasi 
diagnozini qo‘yishda siringomiyeliya, progressiyalashuvchi 
mushak distrofiyasi, poliomiyelit, yelka-ko‘krak periartriti 
kasalliklari bilan qiyosiy diagnostika qilish kerak.
Siringomiyeliyaning asosiy belgilari dissotsiyalashgan 
sezgi o‘zgarishi kuzatiladi. Siringomiyeliyada periferik falaji 
chuqur bo‘lmaydi, trofik o‘zgarishlar yuqori darajada bo‘ladi. 
Progressirlashuvchi mushak distrofiyasi-nevrologik simpto-
matika ikki tomonlama, irsiy xarakterga ega bo‘lishi, asta-
sekin kuchayib borishi bilan pleksopatiyadan farqlanadi.
Poliomiyelit pleksitdan sezgi doirasini o‘zgarmasligi bilan farqlanadi. 
Yelka-ko‘krak periartritida og‘riq asosan shu bo‘g‘im sohasida mahalliy bo‘lib, 
harakat chegaralanib sezgi o‘zgarishlari kuzatilmaydi, rentgenografiyada yelka 
bo‘g‘imida xarakterli o‘zgarishlar bo‘ladi.
Davolash 
Etiotrop davo periferik nerv tizimining jarohatlanishi chaqirgan sababga 
qaratilgan bo‘ladi. Bakterial infeksiyalarda antibiotiklar, sulfanilamidlar 
qo‘llaniladi. Kasallikni virusli etiologiyasida virusga qarshi preparatlar, gormonlar, 
immunostimulyator tavsiya etiladi. Toksik nevropatiyalarda dezintoksikatsion 
terapiya qo‘llaniladi.

---

 289
Patologik davo uchun qo‘llaniladi:
•
Degidratatsion preparatlar 
•
Periferik nerv tizimini metabolizmini va mikrotsirkulyatsiyani 
yaxshilovcha preparatlar 
•
Vitaminoterapiya 
•
Biogen stimulyatorlar 
•
Nosteriod yallig‘lanishga qarshi preparatlar (brufen, voltaren, butadion, 
indometatsin, ksefokam va boshqalar). 
Periferik falajlarda antixolinesteraz preparatlar tavsiya etiladi. Og‘riqni 
kamaytirish uchun analgetiklar, novokainli blokadalar, igna refleksoterapiyadan 
foydalaniladi. Buzilgan funksiyalarni tiklash va og‘riqni yo‘qotish maqsadida 
fizioterapevtik davolash tayinlanadi (kasallik boshlangandan keyin 2-3 haftadan 
so‘ng). Impulsli toklar, elektrofarez, ultratovush, magnitoterapiya, 
elektrostimulyasiya, parafinli aplikasiyalar, massaj, LFK qo‘llaniladi.