Microsoft Word Bolalar nevrologiyasi end doc

 
Til nervining nevropatiyasi 
Til nervi uch shoxli nervning III-shoxidan ajralib, tilning oldingi 3/2 qismini 
innervatsiya qiladi. Bu kasallikning sabablari bo‘lib, tilning protez bilan tishning 
o‘tkir qirrasi yoki koronka bilan ta’sirlanishi, infeksion kasalliklar (gripp, angina, 
surunkali tonzillit), og‘ir metallarning tuzlari, dorilar bilan zaharlanish, miyada qon 
aylanishining buzilishi va yuz va tilning jarohatlari hisoblanadi. Kasallik 
xurujsimon og‘riqlar, tilning oldingi 2/3 qismida achishishlar bilan boshlanib, 
nog‘ora bo‘shlig‘iga irradiatsiya beradi. Xuruj tilning oldingi qismlarida uvishish, 
so‘lak ajralishining buzilishi bilan kechadi. Obyektiv tilning tegishli sohasida 
yuzaki va ta’m sezish sezgisi pasayadi. Og‘riq paroksizmi ovqat iste’mol 
qilinganda, sovuq suv ichganda, gapirganda, kulganda paydo bo‘ladi yoki 
kuchayadi.
Bu kasallikning davosi umumiy yoki mahalliy sabablarni yo‘qotishga 
qaratilgan bo‘lishi kerak:
1.
Og‘riqsizlantiruvchilar (analgin, aspirin, baralgin, indametatsin, diklonat, 
valtaren), desensibilizatsiyalovchilar (demidrol, pipolfen), tinchlantiruvchilar 
(elenium, diazepam, bromidlar) neyroleptiklar (aminazin, tizersin), vegetatrop 
vositalar (gangleron, navokain) qo‘llaniladi. Bulardan samara bo‘lmaganda 
antikonvulsantlar (karbomazepin, trimetin) tayinlanadi. Kuchli og‘riq bo‘lganda 
narkotik analgetiklar (tramal, spazmoveralgin) qo‘llaniladi.

---

 292
2.
Biokimyoviy jarayonlar va nerv strukturasini yaxshilash uchun vitamin 
V
1
, V
6
, V
12
, nikotin kislotasi, biogen stimulyatorlar (FIBS, aloye) tayinlanadi. 
Fizioterapevtik muolajalardan UFO, DDT, navokainli va kaliy yodidli elektrofarez 
qo‘llaniladi. Og‘riq uzoq davom etganda va kuchli sezgi buzilishlarida gangleron, 
dimeksid yoki navokain, analginli aplikatsiyalar, iglorefleksoterapiya, massaj 
qo‘llaniladi.
3.
Harakat buzilishlarini davolash uchun antixolinesteraz preparatlar 
(prozerin), kichik dozalarda dibazol beriladi.
4.
Teridagi trofik buzilishlarni bartaraf etish, mikrotsirkulyatsiyani 
yaxshilash hamda vegetativ funksiyalarni me’yorlash uchun lidaza yoki mumiyoli 
elektroforez, parafin, bo‘ylama galvanizatsiya o‘tkaziladi.