Microsoft Word Bolalar nevrologiyasi end doc

Gripp va paragrippda nerv tizimini zararlanishi
 
Gripp va paragrippda nevrologik buzilishlar kasallik og‘ir kechganda sodir 
bo‘ladi. Ko‘p hollarda bosh miyani zararlanishi qon-tomirlar endoteliyasini virus 
bilan zararlanishining hisobiga mikrotsirkulyatsiyani va qon-tomirlar 
o‘tkazuvchanligini buzilishi natijasida kelib chiqadi. Ba’zida morfologik 
o‘zgarishlar ensefalopatiyaga mos keladi. Asosiy kasallikni 2-haftasida 
ensefalomiyelit rivojlanishi mumkin, bu meningial, umum miya va o‘choqli 
belgilarni birgalikda uchrashi bilan kechadi. Likvor tekshirilganda bosimi oshgan, 
yuqori pleositoz, oqsilni oshishi aniqlanadi. Og‘ir hollarda gemorragik 
leykoensefalit sodir bo‘ladi. Kasallik apoplektik shaklda kechadi: nevrologik 
belgilar tez paydo bo‘ladi va kuchayadi, koma rivojlanib, o‘limga olib kelishi 
mumkin.
Van–Bogartaning o‘tkir osti sklerozirlovchi panensefaliti 
Og‘ir progressirlovchi virusli kasallik bo‘lib, bosh miyaning kulrang va oq 
moddasini zararlanishi bilan kechadi. Bu kasallik keskin kechuvchi infeksiyalar 
guruhiga kiruvchi ensefalitlar qatoriga kiradi.

---

 237
Asosan erkak jinsli o‘smirlar va 5 yoshdan katta bolalar kasallanadi. 
Panensefalit patogenezini asosida neyron va glial hujayralarda virus 
persistentsiyasi va nerv tizimini giperergik autoimmun reaksiyasi yotadi. Kasallik 
sekin-asta boshlanib, bir necha haftadan 1 yilgacha davom eitishi mumkin.
Birinchi belgilari bemorni rivojlanishdan orqada qolishi, xulq atvorini 
buzilishi va oliy po‘stloq faoliyatini o‘zgarishi (apraksiya, agnogiya, afaziya) bilan 
bog‘liq. Keyin dezorientatsiya, xotiraning pasayishi, aqliy o‘zgarishlar kuchayib 
boradi. 2 oydan so‘ng dementsiya fonida tarqoq o‘choqli nevrologik belgilar: 
parez, ataksiya, giperkinezlar, tutqanoqlar, vegetativ va qon-tomir buzilishlari 
paydo bo‘ladi.
Oxirgi bosqichda detserebratsion rigidlik rivojlanadi va organizmning 
hayotiy muxim funksiyalari buziladi. Oqibati yaxshi emas. Laborator tekshirishlar 
qonda va likvorda yallig‘lanish belgilarini borligini gammaglobulinlarni miqdorini 
ko‘payishini, qizamiq virusiga nisbatan antitelalar titrini ko‘tarilishini aniqlashga 
imkon beradi. Elektroetnsefalografiyada sekin o‘tuvchi to‘lqinlar fonida periodik 
yuqori voltlik paroksizmalarni bo‘lishi va po‘stloqni hamma bo‘laklarida asosiy 
ritmning dezorganizatsiyasi kuzatiladi.