Microsoft Word Bolalar nevrologiyasi end doc

Kana ensefaliti
Kana ensefaliti mavsumiy bo‘lib tabiat-o‘choqli kasallikka kiradi va 
arboviruslar bilan chaqiriladi.
Tabiat rezervuari yovvoyi o‘rmon sut emizuvchilari bo‘lib hisoblanadi. 
Zaxarlanish kanalarni chaqishi, echki va sigir sutlarini qaynatmasdan iste’mol 
qilish va kontakt orqali sodir bo‘ladi. Alimentar zararlanishda oilaviy-guruhli 
holatlar uchraydi. Inkubasion davri 4 kundan 20 kungacha. Virus motoneyronlarga 
neyrotrop bo‘lib, orqa miyaning oldingi shoxlari va miya so‘g‘onining 
harakatlantiruvchi bosh miya nerv o‘zaklari zararlanadi.
Kasallik o‘tkir boshlanib, sovuq qotish, haroratni 40
0
C gacha ko‘tarilishi, 7-
14 kun davomida kuzatiladi, bosh og‘rig‘i, ko‘ngil aynish, qusish belgilari, 2-4- 
kuni meningial belgilar paydo bo‘ladi, ba’zi hollarda tutqanoqlar, keyinchalik bosh 
miya va orqa miya zararlanishi ensefalomiyelit ko‘rinishida kuzatiladi. Ko‘p 
hollarda kana ensefaliti poliomiyelit shaklida kechadi, bunga xos belgilar bo‘yin, 
yelka kamari, qo‘lni proksimal qismidagi mushaklarni periferik falajidan iborat. 
Bemor qo‘lini ko‘tara olmaydi, bo‘yin mushaklarining holsizligi sababli boshi 
ko‘krakkacha yaqinlashtirilgan bo‘ladi (“osilib turgan bosh”).
Kana ensefalitining bulbar shakli bosh miya so‘g‘onining zararlanishi bilan 
kechadi. Bu hollarda yutish buziladi, dizartriya, disfoniya, til atrofiyasi (IX, X, XII 
bosh miya nervlarini o‘zagini zararlanishi hisobiga) paydo bo‘ladi. Kam hollarda 
jarayonga markaziy harakatlantiruvchi neyron qo‘shiladi – Kojevnik epilepsiyasi 
bilan ensefalit rivojlanadi. 
Kana ensefalitini meningial va poliradikulonevritik shakllari aniqlanadi. 
Ba’zida nerv tizimini zararlanish belgilarisiz haroratni ko‘tarilishi bilan 
xarakterlanuvchi abortiv shakli kuzatiladi.
Ba’zi hollarda ensefalit surunkali bo‘lib BAS sindromi yoki parkinsonizm 
ko‘rinishida kechadi. Kana ensefalitini tashhisi serologik reaksiyalar bilan 
tasdiqlanadi. Komplement bog‘lash reaksiyasi 2-haftadan musbat bo‘ladi, tashhis 
me’zoni bo‘lib, 2 oy mobaynida ortib boruvchi 1:8 va 1:10 titri hisoblanadi. 
Neytranizatsiya reaksiyasi orqali antitelalarni 3-haftada paydo bo‘lib, 7-8-haftadan 
oshadi va bir necha yil saqlanishi (diagnostik indeks 100) mumkin.