Mexanika-matematika fakulteti ehtimollar nazariyasi va matematik statistika kafedrasi

1. Metodika fan sifatida. Uning predmeti, maqsad va vazifalari. Pedagogik
tadqiqot metodlari. Pedagogika ijtimoiy fan sifatida. Uning jamiyat taraqqiyotida tutgan oʼrni, rivojlanish bosqichlari va ilmiy-nazariy, amaliy istiqbolni belgilash vazifalari.
Pedagogika fanining asosiy kategoriyalari va tushunchalari tarbiya, taʼlim
(oʼqitish, oʼqish), maʼlumot, bilim, koʼnikma va malakalar, rivojlanish.
Pedagogika fanining tuzilishi. Pedagogika fanining tarmoqlari. Pedagogikaning falsafa, sotsiologiya, psixologiya, fiziologiya, meditsina va boshqa insonshunoslik fanlari bilan aloqasi. Pedagogika fanlari tizimi.
Аsosiy pedagogik jarayonlar va ularning bir butunligi, pedagogik jarayonlarni tadqiq qilishning oʼziga xos xususiyatlari. Ilmiy pedagogik tadqiqotlarning nazariy va amaliy jihatlari.
Metodika fanining ilmiy-tadqiqot metodlari va ularning tavsifi. Nazariy
tadqiqot metodlarining qiyosiy-tarixiy tahlili, qiyosiy taqqoslash, umumlashtirish,modellashtirish va boshqalar. Аmaliy tadqiqot metodlari ilmiy kuzatish, suhbat, intervyu, soʼrovnoma, test, reyting, statistik tahlil, hujjatlar tahlili, ilmiy tajriba, ilmiy tajriba sinovi (tabiiy, laboratoriya, amaliy va boshqalar). Tajriba -sinov ishlari va ularni kuzatish metodikasi.
2.Pedagogik fanlarni oʼqitish metodlari tasnifi.
Taʼlim metodlarining tasnifi asosiy didaktik maqsadlar boʼyicha tizimlashtiriladi Mualliflar tavsiya etilayotgan metodlarni quyidagi chizma boʼyicha qoʼllash maqsadga muvofiqligini taʼkidlaydilar:
Materialni ogʼzaki bayon qilish (hikoya, tushuntirish, maktab maʼruzasi). Oʼquvchilar tomonidan bilimlarni oʼzlashtirish oʼqituvchining tushuntirishini faol qabul qilish va puxta oʼylash evaziga amalga oshiriladi. Bilimlarni uzatish vositasi sifatida oʼqituvchi nutqi muhim ahamiyatga ega. Bu oʼrinda oʼqituvchining oʼquvchilar faoliyatiga rahbarligi mavzuni qoʼyish, rejani eʼlon qilish, oʼquvchilar faoliyatini boshharishdan iborat boʼladi.
Suhbat metodi. Oʼquvchilar tomonidan bilimlarni oʼzlashtirish jarayoni: ular
eʼtiboriga havola etilayotgan savolning mohiyatini anglash, mavjud bilimlar va tajribani safarbar qilish, savolga oid obʼektlarni oʼzaro taqqoslash, puxta oʼylash va savollarga toʼgʼri javob tayyorlashdan iborat.
Oʼqituvchining rahbarligi: mavzuni qoʼyish, savollarni ifodalash, berilgan
javoblarni tuzatish, toʼldirish va umumlashtirish kabi holatlarda namoyon
boʼladi. Suhbat metodi yordamida bilimlarni oʼzlashtirishda oʼquvchilar mavjud bilimlari va tajribalariga tayanadilar.