Методик асослари

2.3. Дизайн лойиҳалар воситасида ўқувчиларнинг креатив қобилиятларини шакллантиришнинг педагогик шарт-шароитлари
Бугунги кунда инсоннинг ижодий қобилиятларини шакллантиришнинг тўғри стратегиясини аниқлаш учун янги ёндашувларни ишлаб чиқиш долзарб муаммо бўлиб қолмоқда. Бунинг учун мамлакатимизда амалга оширилаётган ижтимоий-иқтисодий ва сиёсий жараёнларнинг пировард натижаси сифатида ижодий жараённи танқидий таҳлил қилиш, тегишли илмий ишланмалар ва тавсиялар асосида турли хил хулқ-атвор усуллари ва турли хил бошқарув қарорлари билан инсон фаолияти соҳасининг ривожланишини таъминлаш мақсадга мувофиқдир. Шундай қилиб, модернизациялашган умумий ўрта таълим мактабларининг устувор вазифаларидан бири юқори маданиятга эга, кенг ва чуқур, доимо янгиланиб турадиган ва ривожланаётган билимларни яратувчи, жасур ва эркин фикрлайдиган шахсни шакллантиришдан иборат.
Шунингдек, ёшларни ҳаётга, касб-ҳунарга тайёрлашда умумий ўрта таълим мактабларида ўқитиладиган Технология фани катта аҳамиятга эга. технология машғулотларида ўқувчиларнинг мустақил фикрлаш ва ишлаш, айниқса, уларнинг ижодкорлик қобилиятларини ривожлантирадиган методлардан кенгроқ фойдаланиб бориш мақсадга мувофиқ. Мазкур масалаларни илмий-педагогик нуқтаи назардан ўрганиш, умумий ўрта таълим мактабларида технология дарслари жараёнида ўқувчиларнинг таълим олишга бўлган эҳтиёжини эътиборга олиш ва етарли шарт-шароитлар яратиб бериш зарурати, технологиянинг амалий машғулотларида ўқувчилар томонидан тайёрланадиган деталь, назорат қилиш талаб даражасида эмаслиги; бу жараённи оптимал тарзда ташкил этишга оид ўқув-методик таъминоти: адабиётлар, тавсиялар, ишланмалар,
миллий хусусиятларини хорижий илмий манбалар ҳамда амалий тажрибаларга нисбатан танқидий-қиёсий таҳлил қилиш асосидаги илмий хулосалар чиқаришни ташкил этиш лозим бўлади. Ихтирочилик ижодкорликнинг, ижодий фаолиятнинг муҳим кўринишидир. Ижодкорлик буйича эхтиежлар психофизиологик жиҳатдан қаралганда, ўз ривожланишида бир нечта босқичларда амалга ошади. Майл эхтиежни энг содда шакли.
Ижодкорликка бўлган эҳтиёж психофизиологик жиҳатдан қаралганда, ўз ривожланишида бир нечта босқичларда амалга ошади. Булардан биринчиси майл бўлиб, у эҳтиёжнинг энг содда шакли ҳисобланади ва инсон томонидан онгли бошқарилади.
Умумий ўрта таълим мактабида технология машғулотлари самарали ривожлантирувчи салоҳиятга эга ҳисобланиб, «ўқув тарбиявий жараённинг барча иштирокчилари машғулотларнинг мазмуни ва натижаларига барқарор ижобий кайфиятнинг ҳали ҳам тўлиқ шаклланмаганлиги сабабли кўзланган мақсадга эришиш қийин кечади. Шу муносабат билан мактабда технология машғулотларининг ривожлантирувчи салоҳиятини амалга оширишнинг зарур шарти, бу машғулотларда мактаб ўқувчиларининг креативлик қобилиятини шакллантириш самарадоролигининг дастлабки шарти»⁵⁴ – ўқув тарбиявий жараённинг барча иштирокчиларини технологик таълим мазмунида тасвирий фаолият машғулотларига қизиқувчанлигини рағбатлантириш ҳисобланади.