Mavzu: Sinfdan tashqari mashg’ulotlar jarayonida shaxsga yo’naltirilgan texnologiyalardan foydalanish Reja: I. Kirish

Biologiyani o’qitishda darsdan tashqari ishlar va sinfdan tashqari
mashg’ulotlarda pedagogik texnologiyalardan foydalanishni loyihalashtirish.
Loyihalash texnologiyasining qoidasi: «O’rganilayotgan bilim, ko’nikmalar menga nima uchun zarurligi va undan qaerda va qay tarzda foydalanishni bilaman» sanaladi. Bu qoida o’quvchilarning fan asoslarini ongli o’zlashtirishlari, hayotga moslashishlari va mo’ljalni to’g’ri olishlariga yordam beradi.
Biologiyani o’qitishda o’qituvchi loyihalash texnologiyasidan o’quvchilarning qiziqishi va qobiliyatlarini hisobga olgan holda nafaqat darsda o’quv muammolarini hal etishda, balki darsdan va sinfdan tashqari ishlarda ham ijodiy muammolarni hal etishda foydalanishi zarur.
Guruhli loyihalarni darsdan tashqari qisqa muddatli loyihalar sifatida bajarilishi ko’p uchraydi. N.Yu.Paxomova o’zining “Metod uchebnogo proekta v obrazovatelnom uchrejdenii” nomli kitobida guruhli loyihalar yuzasidan izlanishlar olib borayotgan pedagoglar va ishtirokchilarning ishini quyidagicha belgilaydi:

Bosqichlari.	Pedagog	Talaba
Loyihani mazmunini tushunish (Kirish)	Loyiha muammosini taklif qiladi	Loyiha muammosini qabul qiladi, mohiyatiga etadi, uni shaxsiy mazmun bilan boyitadi
	Lahzalarni tasvirlovchi vaziyatlarni yoritadi	O’qituvchi tomonidan taklif etilgan vaziyatni tushunadi, qabul qiladi
	Maqsad va vazifalarni aniqlaydi	Maqsad va vazifalarni aniqlashtiradi
Faoliyatni tashkil etish	Aniq vazifalarga ega bo’lgan guruhlarni tashkil etishni taklif etadi	Guruhlarga taqsimlanadilar
	Guruh a’zolarining o’rtasida vazifalarni o’zaro taqsimlab olishni taklif etadi	Vazifalarni o’zaro taqsimlab oladilar
	Guruh ish rejalarini ishlab chiqishni taklif etadi	Guruh ishi rejalashtiriladi
	Olingan natijalarni taqdim etish shakllarini uylab chiqishni taklif etadi	Ishning natijalarini, taqdimot shakllarini tanlaydilar
Faoliyatni amalga oshirish	Talabalar savollariga javoban kerakli maslahatlarni beradi	Mustaqil ravishda o’z ish rejasini amalga oshiradi
	Kerakli rag’batlantirish va nazorat ishlarini amalga oshiradi	Har bir guruh a’zosi o’zining majburiyatlarini amalga oshiradi, boshqalarga yordam beradi
	Talabalarga savollariga muvofiq kerakli ma’lumotlarni etkazib beradi	Kerakli bilimlar, ma’lumotlarni izlaydilar va ularni loyihani amalga oshirishda qo’llaydilar
	Olingan natijalar taqdimotini tashkil etishda yordam beradi (qaytar aloqa shaklida)	Taqdimotni tayyorlashadi va o’tkazib ko’rishadiKerakli bilimlar, ma’lumotlarni izlaydilar va ularni loyihani amalga oshirishda qo’llaydilar

Guruhlarni o’quvchilarning do’stlik aloqalari, yoki o’quv qiziqishlari, asosida yoki qur’a tashlash yo’li bilan, yoki pedagogning ko’rsatmalari bilan tuzishimiz mumkin, lekin ular ham o’ziga xos kamchiliklariga ega bo’lishi mumkin. Guruhlarda taqsimlanishda kelishmovchiliklar kelib chiqmasligi uchun pedagog guruhdagi o’zaro shaxsiy munosabatlarni, o’quvchilarning maqomi, o’ziga xos xususiyatlarini bilishi, shu bilan birgalikda guruhli ishlarni olib borish jarayonida amalga oshirilayotgan tarbiyaviy vazifalarni ham e’tiborga olishi zarur.