Mavzu: chorvachilik mahsulotlari ishlab chiqarish tahlili

Ozuqadan foydalanish samaradorligining tahlili

Ferma	1 ts. sut olish uchun sarflanadigan ozuqa, o.b.			Chorva mollarining 1 ts o‘sishi uchun sarflanadigan ozuqa, o.b.
	Rejada	Haqiqatda	+, -	Rejada	Haqiqatda	+, -
1	110	105	-5	700	750	+50
2	100	105	+5	700	720	+20
3	120	130	+10	800	850	+50
O‘rtacha	110	115	+5	750	800	+50

Ozuqalarni ortiqcha sarflashning sababi ular sifatining pastligidadir. 1 o.b. da mavjud hazm bo‘ladigan protein me’yor 105 bo‘lganida o‘rtacha 85 gr tashkil qiladi. Sigirlar ratsionidagi karatin mavjudligi ham me’yordan past. Me’yor 420 gr bo‘lganida 1 sutkada amalda 390 mg sarflangan. Sarflangan ozuqalar o‘z-o‘zini qoplashining pasayishi hamda mahsulot ishlab chiqarish xarajatlarining haddan ziyod ortishiga sabab №3 fermada ozuqa tsexi ishga tushmaganligidir.
Vujudga kelgan vaziyatni hisobga olgan holda tahlil qilinayotgan xo‘jalik kelgusi yilda ozuqa ishlab chiqarish tuzulmasini takomillashtirish yuli bilan ozuqa sifatini sezilarli darajada yaxshilashi lozim. Yuqori oqsilli ekinlar va ozuqabop sabzi ekishni ko‘paytirish, pichan va senajning ulushini ham oshirish silos ulushini esa kamaytirish lozim. Ozuqani tayyorlash va saqlash texnologiyasi va ularni oziqlantirishga tayyorlash jarayoni ham takomillashtirishga muhtoj.


8.6. Chorvachilik mahsulotlari ishlab chiqarishini ko‘paytirish rezervlarini aniqlash
Chorva mollarining bosh sonini ko‘paytirish va mahsuldorligini oshirish chorvachilikda mahsulot ishlab chiqarishni ko‘paytirish rezervlarining asosiy manbalari hisoblanadi.
Chorva mollari bosh sonini ko‘paytirish rezervlari poda aylanishi rejasining bajarilishini tahlil qilish jarayonida aniqlanadi. Bunday rezervlarga sigirlar qisirligini va chorva mollarining harom o‘lishini kamaytirish hamda ularni og‘ir vaznda go‘shtga topshirishdir. Mahsulot ishlab chiqarish rezervlarini aniqlash uchun o‘rtacha yillik bosh sonining extimolga yaqin o‘sishini tegishli chorva moli guruhidagi bir boshning o‘rtacha yillik haqiqatdagi mahsuldorligiga ko‘paytirish lozim (8.14-jadval).

8.14-jadval