Mavzu : Ta’lim jarayonida metodik ishlar, ularni rejalashtirish, tashkil etish va tayyorlash metodikasi. Kirish Asosiy qism I bob. Ta'lim jarayonida metodik ishlarning mazmuni va nazariy asoslari

Xulosa va tavsiyalar.
O'qituvchiga yangi pedagogik fikrlashni, ta'lim tizimidagi murakkab muammolarni hal qilishga tayyorligini va uning pedagogik mahoratini oshirishga yordam beradigan usul - maxsus tashkil etilgan metodik ishlar hisoblanadi.
Ta’lim jarayonini va ta'lim tizimini muvaffaqiyatli rivojlantirish uchun uning nazariyasi va metodologiyasini ishlab chiqmasdan turib tasavvur qilib bo'lmaydi. Bu jarayonda metodik ishlarni tashil etish va unga rahbarlik qilish muhim rol o'ynaydi. Metodik ishlar fan yutuqlari, ilg'or tajriba va o'qituvchilarning qiyinchiliklarini tahlil qilish, har bir o'qituvchining mahoratini oshirish, jamoaning ijodiy salohiyatini umumlashtirish va rivojlantirish, talabalarning ta'lim, tarbiya va rivojlanishining maqbul natijalariga erishishga qaratilgan chora-tadbirlar tizimidan iboratdir. Metodik ishlarning ta’sirchanligi ko‘p jihatdan rejalashtirilishiga, rejalarining aniqligiga, amalga oshirilgan ishlarning hajmiga va boshqa omillarga bog‘liq. Metodik ishning asosiy maqsadi- bu o‘qituvchilar malakasini uzluksiz oshirish, aniq bir fan doirasida uning bilimdonligini oshirishdan kelib chiqadi.
Metodik ishlarning mazmunining o'qituvchilar faoliyati va natijalari bilan doimiy bog'liqligi, har bir o'qituvchining kasbiy mahoratini oshirishning uzluksiz jarayonini ta'minlaydi. Shu bilan birga, metodik ishlar butun o'quv jarayonini va fanning yangi yutuqlariga muvofiq ravishda rivojlantirish uchun javobgardir. Biroq, bugungi kunda o'qituvchilarining kasbiy mahoratini oshirish bo'yicha boshqaruv harakatlarining past samaradorligi muammosi mavjud. Metodik ishlarning shakllari xilma-xil ekanligi sababli, ular mazmuni va o‘tkazilish muddatiga ko‘ra aniq rejalashtirilishi kerak.
O‘qituvchilar mutaxassis sifatida quyidagi metodik talablarga rioya qilish kerak:
- Psixologik-pedagogik bilimlar yuzasidan malaka, mahorat va ijodkorlik faoliyatlarini boyitish, kengaytirishi;
- Ijtimoiy bilimlarni boyitish, kengaytirish, yangilashi;
- Kasbi bo‘yicha tajriba oshirish zaminida tayyorgarlik;
Metodik ish- bu ilm-fan va ilg‘or pedagogik tajribalarning yutuqlariga va har bir o‘qituvchini kasbiy bilimdonligini va kasbiy mahoratini har tomonlama oshirishga yo‘naltirilishga asoslanuvchi, amaliy tadbirlarning maxsus majmuidir. Metodik ishlar keng miqyosdagi muammolarni qamrab oladi va uning asosiy maqsadi ta’lim jarayonini sifatli tashkil etish hamda malakali,bilimli mutaxassislarni yetishtirishdan iborat.