Ma’ruza №3 Mavzu: Mashg‘ulotlar jarayonida sportchilar tayyorgarligining asosiy bo‘limlari

Maxsus jismoniy tayyorgarlik tanlangan sport turida yutuqlarni bevosita aniqlaydigan jismoniy qobiliyatlarning rivojlanish darajasi, funksional tizimlar va organlarning imkoniyatlari bilan xarakterlanadi. Musobaqaviy mashqlar va maxsus tayyorgarlik mashqlari maxsus jismoniy tayyorgarlikning asosiy vositalari hisoblanadi.

Sportchining jismoniy tayyorlanganlik darajasi uning sport ixtisosligi bilan chambarchas bog‘liq. Ayrim sport turlarida va ularning alohida bo‘limlarida sport natijasi eng avvalo tezkorlik-kuchlilik imkoniyatlari, anaerob ishlab chiqaruvchanlikni rivojlanganlik darajasi bilan; boshqalarida – aerob ishlab chiqaruvchanlik, uzoq muddatli ishga chidamlilik darajasi bilan; uchinchilarida – tezkorlik-kuchlilik va koordinatsion qobiliyatlar bilan; to‘rtinchilarida – turli jismoniy sifatlarni birtekis rivojlanganligi bilan aniqlanadi.

Jismoniy sifatlarni tarbiyalash uslubiyoti kitobning birinchi jildini - «Jismoniy sifatlarni rivojlantirishning nazariy – amaliy asoslari» bobida batafsil bayon etilgan.