I bob. Tovar va pulning kelib chiqishi, mohiyati va vazifalari

yo’nalishlari…


MUNDARIJA:
KIRISH……………………………...........…………………….3
I.BOB. TOVAR VA PULNING KELIB CHIQISHI, MOHIYATI VA VAZIFALARI.
1.1.Tovar va uning xususiyatlari haqidagi nazariyalar………4
1.2. Pul vazifalarining rivojlanish darajasi, tovar ishlab chiqarishning rivojlanish darajasi,….…………………………………………..……………..11
1.3. Tovar va pul munosabatlari…………………………..….17
1.4. Tovar qiymatlari va uning miqdori………………..…….21
II.BOB. TOVAR RAQOBATBARDOSHLIGI VA UNING TAXLILI
2.1. Yalpi ichki mahsulot hajmi tahlili………………………..
2.2. Tovarlarning ulgurji narxlarda indeksi tahlili………….
2.3 Tovar raqobatbardoshligini shakllantirish……………...

KIRISH
Har bir tovar ma`lum bir naflilikka ega, lekin bu naflilik uni yaratuvchining o’z ehtiyojlarini emas, balki ayirboshlash orqali boshqa kishilar talabini qondiradi, ya`ni tovarning ijtimoiy nafliligi hisoblanadi. Bozor har qanday naflilikni emas, ijtimoiy naflilikni hisobga oladi. Agar bu fikrni yanada rivojlantirsak, bozor ijtimoiy zaruriy naflilikni, ya`ni jamiyat uchun (xaridorlar uchun) zarur miqdordagi naflilikni hamda shu ijtimoiy zaruriy miqdordagi naflilikni ishlab chiqarish uchun sarflangan ijtimoiy zaruriy mehnatni hisobga oladi. Ijtimoiy naflilik tovarlarning boshqa tovarlarga ayirboshlanish qobiliyatiga ega bo’lganligi uchungina o’zining yaratuvchisini qiziqtiradi. Tovarning ayirboshlanuvchanlik xususiyati almashuv qiymati nomini oladi. Tovarlarni sotishda ularning narx ko’rsatkichi almashuv qiymatini yaqqol ko’rsatadi. Inson mehnati bilan yaratilmagan ko’plab ne`matlar masalan, buloq suvlari, yovvoyi daraxt mevalari ma`lum naflilikka ega bo’ladi. Lekin ular har doim ham tovar bo’lavermaydi. Masalan, bu ne`matlar o’sha joyning o’zidan olinib, iste`molchi tomonidan iste`mol qilinsa tovar hisoblanmaydi. Ne`matlar tovar bo’lishi uchun, ular ayirboshlashga mo’ljallangan, ma`lum mehnat sarflangan, bozorga sotishga chiqarilgan bo’lishi zarur.
Qiymat tovarning emas, balki faqat mehnatning ijtimoiy xossasi bo’lib, unda tabiat ashyolarining birorta ham molekulasi, zarrachasi yo’qdir. Qiymatning asosida odamlar bir-birlari uchun mehnat qilishlarini bildiruvchi ijtimoiy mehnat yotadi. Biroq, alohidalashgan tovar ishlab chiqaruvchilar mehnati o’zining ijtimoiy xususiyatini faqat mehnat mahsullarini ayirboshlash orqali ko’rsatadi.