Маъруза 1 Электр юритмага оид умумий маълумотлар, унинг вазифаси ва тузилиши

Электр юритмаларнинг вазифаси ва тузилиши

Электр юритма деб электр энергияни механик энергияга айлантириш ва ишчи механизмларни харакатлантириш учун хизмат қиладиган электр механик қурилмага аталади. Электр юритманинг асосий ташкил этувчилари унинг тузилиш схемасида кўрсатилган (расм 1).

Электр тармоқ



ЭЮ



Расм 1. Электр юритманинг тузилиш схемаси
Схемадаги белгиланишлар : ЭЮ – элеткр юритма, Ў- ўзгартиргич, ЭД-электр двигател, УҚ-узатувчи қурилма, БТ-бошқариш тизими, М-механизм
Ўзгартиргичлар элеткр юритмаларни бошқаришда қўлланилади. Ўзгартиргичларга трансформаторлар, тўғрилагичлар, инверторлар, частота ўзгартиргичлари ва б. киради.
Трансформаторлар кучланишнинг миқдорини ўзгартириш учун хизмат қилади. Тўғрилагичлар ўзгарувчан токни ўзгармас токка айлантириш учун қўлланилади. Инверторлар ўзгармас токни ўзгарувчан токка айлантириш учун қўлланилади. Частота ўзгартиргичлари ўзгарувчан токнинг частотасини ўзгартириш учун қўлланилади.
Электр двигателлар электр энергияни механик энергияга айлантиради.
Ўзгармас ток электр двигателларнинг – мустақил қўзғатишли, параллел
қўзғатишли, кетма-кет қўзғатишли, аралаш қўзғатишли турлари бўлади.
Ўзгарувчан ток электр двигателларнинг –қисқа туташган роторли, фаза
роторли асинхрон ва синхрон турлари бўлади. Хар бир турдаги электр
двигател ўзининг электр механик хусусиятига эга бўлади.
Бошқариш тизими электр юритмаларни бошқариш ва электр юритмалар
орқали механизмларни бошқариш учун қўлланилади хамда электр аппаратлардан ва автоматлаштириш воситаларидан ташкил топади. Бошқаришга – ишга тушириш, тезликни ростлаш, тўхтатиш, реверслаш (тескари томонга харакатлантириш) жараёнлари киради.
Узатиш қурилмаси механик энергияни электр двигателдан механизмга
узатиш учун хизмат қилади ва тишли (редуктор), ременли, занжирли
узатмалар, ярим муфталар, гидромуфталар, сирпаниш асинхрон муфталари
ва б. бўлади.
Механик энергиянинг тақсимланиши бўйича электр юритмалар гурухли электр юритмаларга, бир двигателли электр юритмаларга кўп двигателли электр юритмаларга бўлинади.
Гурухли электр юритмаларда бир двигател бир неча механизмларни харакатлантиради. Харакат трансмиссия орқали узатилади. Бунда энергия йўқотилиш катта бўлгани ва ноқулай бўлгани учун хозирги зомонда қўлланилмайди.
Кон машиналари ва механизмларида қўлланиладиган электр юритмалар бир электр двигателли ва кўп электр двигателли бўлади. Бир электр двигателли – бир механизм бир электр двигател орқали харакатлантирилади, кўп электр двигателли-бир механизмнинг алохида ишчи органлари алохида электр двигателлар орқали харакатлантирилади. Бир электр двигателли электр юритмалар қазиб олиш комбайнларида, конвейерлар, насослар, вентиляторлар, компрессорлар ва б. машиналарда қўлланилади. Кўп электр двигателли электр юритмалар асосан экскаваторлар ва бурғулаш машиналарида қўлланилади. Расм 2 да электр двигателларнинг схемалари кўрсатилган.

Мустақил қўзғатишли ўзгармас ток электр двигатели

Параллел қўзғатишли ўзгармас ток электр двигатели

Кетма-кет қўзғатишли ўзгармас ток электр двигатели

Аралаш қўзғатишли ўзгармас ток электр двигатели

Фаза роторли асинхрон электр двигател

Қисқа туташган роторли асинхрон электр двигател

Синхрон электр двигател

Расм.2. Электр двигателлар схемалари

Схемалардаги белгиланишлар: я- якор чулғами, қч-қўзғатиш чулғами