O‘quv fanining maqsadi va vazifalari
O‘quv fanining maqsadi – talabalarda aqli zaif bolalar uchun maxsus maktabgacha ta’lim muassasalarida korreksion о‘quv-tarbiyaviy faoliyat sohasida kasbiy kompetensiyalarini shakllantirish.
Fanning vazifasi – talabalarni intellektual buzilishlarga ega bо‘lgan maktabgacha yoshdagi bolalarning xususiyatlari, ushbu toifadagi bolalarga mavjud pedagogik yordam tizimi, maxsus maktabgacha ta’lim muassasalarida korreksion – tarbiyaviy ishlarni tashkil etish va uning mazmuni bilan talabalarni tanishtirish, aqli zaif bolaning korrektsion rivojlanishida maktabgacha tarbiyaning ahamiyatini ochib berish, ilg`or pedagogik tajribalarni umumlashtirish va tahlil qilishga o’rgatishdan iboratdir.
“Maktabgacha oligofrenopedagogika” o‘quv fanini o‘zlashtirish jarayonida - Bakalavr:
- maktabgacha oligofrenopedagogikaning metodologik asoslari, maktabgacha yoshdagi aqli zaif bolalarni pedagogik о‘rganish bosqichlari, maktabgacha yoshdagi aqli zaif bolalarni tarbiyalash, о‘qitishning zamonaviy texnologiyalari, maxsus maktabgacha ta’lim muassasasida defektolog va tarbiyachining ish tizimini, maktabgacha yoshdagi aqli zaif bolalarni aqliy, jismoniy, mehnat, estetik, ahloqiy, sensor tarbiyasining prinsiplari, metodlari, mazmuni va vazifalarini, maktabgacha ta’lim muassasasida korreksion tarbiyani tashkil etishning asosiy shart-sharoitlari, intellektida nuqsoni bо‘lgan maktabgacha yoshdagi bolalarning ota-onalari bilan ishlashning shakl va metodlarini bilishi kerak;
-maktabgacha yoshdagi aqli zaif bolalar uchun ilmiy-metodik adabiyotlarni, dasturlarni taxlil qilish, intellektida buzilishlari bо‘lgan maktabgacha yoshdagi bolalarga psixologik-pedagogik tavsifnoma tuzish, defektolog va tarbiyachining ishi о‘rtasida bog‘liqlikni о‘rnatish, korreksion-pedagogik jarayonni rejalashtirish, korreksion-tarbiyaviy jarayonni tashkil etish, maktabgacha yoshdagi aqli zaif bolalarning intellektini pasayishi va individual xususiyatlarini e’tiborga olgan xolda tarbiyalash va о‘qitish mazmuni, metodlari, shakllarini tanlay olish, maktabgacha yoshdagi aqli zaif bolalar bilan korreksion-tarbiyaviy jarayonning samaradorligini baxolay olish ko‘nikmalariga;
-hujjatlarni yuritish, maktabgacha yoshdagi aqli zaif bolalarni psixologik-pedagogik tekshirish, maktabgacha yoshdagi aqli zaif bolalar bilan muloqot qilish, intellekti buzilgan maktabgacha yoshdagi bolalarning ota-onalari bilan ishlash, aqli zaif bolalar uchun maxsus maktabgacha ta’lim muassasalarida korreksion-rivojlantiruvchi mashg‘ulotlarni о‘tkazish malakalariga ega bo‘lishi kerak.
Do'stlaringiz bilan baham: |