Maktabgacha oligofrenopedagogika va maktabgacha tarbiya maxsus metodikasi

2 topshiriq

Psixolog va defektologga maslahat uchun oilasida rivojlanishida nuqsoni bо‘lgan bola tarbiyalanayotgan oila murojaat qilgan. Tо‘liq oila. Bolaning ota-onasining ma’lumoti oliy, otasi menedjer, onasi xuquqshunos.Ikkalasi ham ishlaydi. Oilada 2 farzand. Kattasi qiz bola, 6 yosh (BSF, pastki spastik diplegiya, yordamchi vositalar yordamida harakat qiladi, intellekti saqlangan, nutq buzilishiga ega-dizartriya, maktabgacha ta’lim muassasasiga qatnamayd, nogironlikka ega). Kichkinasi о‘g‘il bola, 3,5 yosh, rivojlanishia myeyorida. Ota-onasi ishda bо‘lganda bolalarga buvisi, ya’ni onasining onasi qarab turadi, maslahat vaqtida bolalar buvisi bilan uyda bо‘lgan. Ota-onalar ularning aytishicha, qizlarida keyingi vaqtda hech qanday sababsiz isterika paydo bо‘lganligidan shikoyat qilishdi.

Endi о‘z faoliyatini boshlagan psixolog ota-onaning ikkalasi bilan bir vaqtda suhbat о‘tkazdi va isterika qachon boshlanganligini aniqladi: (otasi bir yarim oy oldin boshlanganligini aytdi; onasi ancha oldin, bunday muammo deyarli 2 yil avval boshlanganligini, ammo ular hozirdagidek shiddatli bо‘lmaganligini kо‘rsatdi). Isterika qancha vaqt davom etishi va takrorlanishi (onasi isterikalar hozirgi vaqtda deyarli har kuni yuzaga kelishini, qizcha о‘zining xonasida eshikni yopib va yig‘lashni, hech kim bilan muloqoqtga kirmasligini aytdi), qizcha nimadan shikoyat ilishini (onasining savoliga qizcha uni hech kim yaxshi kо‘rmasligini, onasi ham yaxshi kо‘rmasligini, faqat ukasi Sanjarni hamma yaxshi kо‘rishini aytgan).

Ota-onalar bilan suhbat 15 minutdan kо‘p bо‘lmagan vaqtda о‘tkazilgan va psixologning xulosasiga kо‘ra qizchaning ukasiga rashk qiladi.Psixologning fikriga kо‘ra ushbu muammo kо‘pchilik oilalarda kuzatiladi, rivojlanishida nuqsoni bо‘lgan farzandga ega oilalarda esa juda kо‘p hallarda kuzatiladi va uni bartaraf etish uchun ikkala farzand bilan gaplashish, ularni yarashtirish, bir xil о‘yinchoqlar yoki shirinliklar olib berish, birgalikda parkka sayrga yoki arg‘imchoqlari mavjud bolalar maydonchasiga borish lozim.