Махматқулов турдимурод ёғоч конструкциялари

Мустақил бажариш учун вариантлар

Кўрсаткичла р номи					Вариантлар
	1	2	3	4	5	6	7	8	9	10
Бирикмадаги чўзувчи	72	74	76	78	80	82	84	86	88	90

Мустақил назорат учун саволлар

1.Ёғоч конструкцияларнинг мустаҳкамлиги ва эгилувчанлиги нима сабабдан бирикмаларга боғлиқ? 2.Бирикмалар асосан, неча гуруҳга бўлинади? 3. Боғловчисиз бирикмаларга қайсилар киради? 4.Механик боғловчили бирикмаларга қайсилар киради? 5.Нагелли бирикмалар материали, кўриниши ва ишлаб чиқариш белгиларига кўра неча турга бўлинади? 6.Нагелли бирикмаларнинг юк кўтариш қобилиятиқандай аниқланади? 7. Қайси бирикма бошқаларга қараганда самарадор ҳисобланади? 8. Қайси ҳолларда ёғоч конструкция ва элементлар ўйиб бириктирилади? 9. Бир ва икки тишли ўйиб бириктиришда нима сабабдан монтаж болтлари ўрнатилади? 10. Елимли бирикмалар тайёрлашда қайси турдаги елимлардан фойдаланилади? 11.Михли бирикмаларда қандай диаметр ва узунликдаги михлардан фойдаланилади? 12. Нима сабабдан елимли бирикмаларни тайёрлашда намлиги 8-12% намликдаги ёғоч материаллардан фойдаланилади? 13. Бирикмаларни ҳисоблашда асосий эътибор қайси кўрсаткичларга қаратилади? 14. Елимланган металл стерженли бирикмаларда қандай диаметр ва узунликдаги металл стерженлардан фойдаланилади?

4-БОБ. ЎРАБ ТУРУВЧИ КОНСТРУКЦИЯЛАРНИ ҲИСОБЛАШ

4.1. Ёғоч тўшамалар ҳақида маълумот. Бир ва икки қаватли тахта тўшамаларни ҳисоблаш.
Ёғоч конструкцияларни лойиҳалашнинг асосий босқичларидан бири иморат синчини ва унинг элементларини танлаш ҳисобланади.
Конструкцияларни танлашда асосий эътибор замонавий ва самарадор бўлган яхлит ва елимланган элементлардан тайёрланган конструкциялардан фойдаланиш, тайёрлаш, ташиш ва ўрнатиш масалаларига қаратилади.
Бугунги кунда турли материалардан тайёрланган том элементлари, ёпма ва ораёпмаларнинг асосий юк кўтарувчи конструкциялари сифатида турли тахта тўшамалар ва вассатўсинлардан фойдаланилади.
Тахта тўшама ва вассатўсинларнинг тури томнинг турига ва қиялигига, бинонинг ҳарорат-намлик шароитига, технологик ва меъморий талабларга асосан танланади. Конструкциялар асосан, тахталардан, кичик чорқирралардан, фанерадан, фанера ва пўлат профиллардан, шиша пластик ва пластмасса материаллардан тайёрланади [13,14].
Ёғоч тўшамалар ёғоч синчли иморатларнинг асосий юк кўтарувчи ва ўраб турувчи конструкцияларидан бири ҳисобланади. Ёғоч тўшамаларни тайёрлаш учун сарфланадиган материаллар бино томи учун сарфланадиган ёғоч материалларнинг 70% ни ташкил этади.
Ёғоч тўшамалар асосан, икки асосий турга ажратилади. Булар ичида энг кўп тарқалгани бир ва икки қатламли тахта тўшамалардир [2,13].