М. Марупова, Р. Акбаров, Г. Мирзахмедова “фармакогнозия”

Маҳсулотнинг микроскопии тузилиши. 
Совуқ усулда юмшатилган 
пўстлоқни кўндалангига кесиб, препарат тайѐрланади. Флороглюцин 
эритмаси ва хлорид кислота билан бўялган пўстлрқнинг кўндалангига 
кесилган препарати микроскоп остида кўрилади. 
Пўстлоқ ташқи томонда қаттиқ тўқима билан қопланган. Унинг 
ичкарисида эса пўстлоқ паренхимаси жойлашган. Пўстлоқ паренхимасида 
гуруҳ ҳолида луб толаси ва тошсимон ҳужайралар ҳамда луб толаси билан 
тошсимон ҳужайралар галма-гал ўрнашиб ҳосил қилган туташ механик ҳалқа 
(белбоғ) бўлади. Агар механик ҳалқа узилиб кетган бўлса (пўстлоқ-
ѐрилганда), маҳсулот паст сифатли (қари) ҳисобланади: механик ҳалка ҳамда 
луб толалари ва тошсимон ҳужайралар флороглюцин ва хлорид кислота 
таъсирида қизил рангга бўялади. Ички пўстлоқда бир (ѐки икки) қатор 
жойлашган ҳужайралардан иборат ўзак нурлари.бор. Улар орасида эса гуруҳ-
гуруҳ бўлиб жойлашган калин деворли луб толалари бўлади. Баъзан гуруҳ 
ҳолида тошсимон ҳужайралар учрайди. 
Пўстлоқнинг узунасига кесиб тайѐрланган препаратда тошсимон 
ҳужайраларни ва кристалл ҳужайралар билан қопланган луб толаларини 
(узунасига) кўриш мумкин. 

---

79 
 
Эман пўстлоғининг кўндаланг кесими. 
1 – пўкак (пробка) қавати; 2 – колленхима; 3 – друзлар; 4 – механик ҳалқа (белбоғ) 
; 5 – тошсимон ҳужайралар; 6 – кристаллар билан қопланган стереидлар (луб толалари); 
7– ўзак нур ҳужайралари. 
Кимёвий таркиби. 
Маҳсулот таркибида 7-20 % (қари, усти ѐрилган 
пўстлоқлар 4 % гача) асосан пирогаллол гуруҳига кирувчи ошловчи 
моддалар, 1,6
%
галлат ва эллаг кислоталар, флавоноидлар (кверцетин ва 
бошкалар), флобафен, пентозлар ва пектин кислоталари бўлади. 
XI ДФ га кўра маҳсулот таркибида ошловчи моддалар 8% дан кам 
бўлмаслиги лозим. 
Ишлатилиши. 
Дуб пўстлоғидан тайѐрланган доривор препарат 
буриштирувчи ва антисептик модда сифатида оғиз бўшлиғи касалликларида 
(гингинит, стоматит ва бошкалар) ҳамда томоқ шиллиқ пардасининг 
яллиғланишида, милқдан қон оққанда ҳамда оғизда ҳид пайдо бўлганда оғиз 
чайиш учун ишлатилади. Баъзан 20% ли қайнатма терининг куйган ерларини 
даволашда қўлланади.