Доривор ўсимлик маҳсулотларини меъёрий ҳужжатлар асосида таҳлил қилиш

2-МАВЗУ. ДОРИВОР ЎСИМЛИК МАҲСУЛОТЛАРИНИ МЕЪЁРИЙ ҲУЖЖАТЛАР
АСОСИДА ТАҲЛИЛ ҚИЛИШ
Режа:
1. Меъёрий ҳужжатларнинг категориялари ва тузилиши.
2. Доривор ўсимликларнинг сифатига қўйиладиган талаблар.
3. Фармакопея мақоласини тузиш, келишиб олиш, тасдиқлаш тартиби,
уларнинг категориялари, тузилиши.
4. Доривор ўсимликларни сифат ва миқдорий тахлилига қўйиладиган
талаблар ва уларни маҳсулотнинг сифатли бўлишидаги роли
1. МЕЪЁРИЙ ҲУЖЖАТЛАРНИНГ КАТЕГОРИЯЛАРИ ВА ТУЗИЛИШИ.
Стандартлаш - бир соҳанинг фаолиятини тартиблаш мақсадида ҳамма
манфаатдор бўлган тарафлар фойдасига ҳизмат қиладиган қонунлар (қоидалар)
тўплами (низомнома) ва бу қонунларни улар иштирокида қўллашдир.
Стандартлаш бўйича меъёрий-техник ҳужжатлар (МТХ) маълум тартибда
ишлаб чиқилган ва ваколатли идора томонидан тасдиқланган, айрим соҳада
бажарилиши мажбур бўлган норма, талаблар, қоидалар комплексини
ўрнатувчи ҳужжат
Халқ ҳўжалигининг ҳамма соҳасини ўз ичига олган Давлат стандартлаш системаси Собиқ Иттифоқда 1925-йилда тузилган. Мамлакатда стандартлаш ва метрологияга раҳбарлик қилувчи давлат органи - стандартлар бўйича Давлат қўмитаси (Госстандарт) жорий этилган.
Госстандартнинг асосий вазифалари:
а) стандартлаш тараққиётининг асосий йўналишини аниқлаш, илмий-услубий ва техник-экономик асосларини ишлаб чиқиш, тармоқлараро саноат маҳсулотлари ва метрологияни бир хил қилиш;
б) мамлакатда стандартлаш системаси ва метрологияни такомиллаштириш;
в) маҳсулот сифат кўрсаткичини стандартлаш (маҳсулотнинг ишлаб чиқариш, қабул қилиш ва таҳлили бўйича умумий талаблар);
г) стандартларни ишлаб чиқаришга жорий қилиш, уларга риоя қилиш бўйича давлат назоратини бажариш.
Республикаларда стандартлаш фаолиятига республика Давлат план комиссияси (Госплан) ва Госстандарт республика бошқармаси раҳбарлик қилади.
Халқ ҳўжалик тармоқларида эса бу ишларга вазирликларнинг ёки бошқармаларнинг стандартлаш бўлими ўзларига бириктирилган шу соҳадаги хизматчиларга услубий – ташкилий раҳбарлик кўрсатади.