М. Марупова, Р. Акбаров, Г. Мирзахмедова “фармакогнозия”

Йирик ва майдаланган маҳсулот таркибидан ўсимликларни 
микроскопик идентификация қилиш. 
Микроскопик таҳлил анатомик 
тузилиш белгиларини аниқлашга асосланган бўлиб, бу усул қирқилган ва 
кукунсимон доривор ўсимлик маҳсулотини ўрганишда фойдаланилади. 
Микроскопик анализнинг мақсади – хом ашѐ чинлигини аниқлашдан 
иборатдир. Бунинг учун текширилаѐтган объект микроскопнинг буюм 
ойнасидаги махсус суюқликка жойлаштирилади ва қоплагич ойна билан 
ѐпилади. Ҳар бир препарат аввало умумий мўлжал олиш учун камроқ 
катталаштирилиб, сўнгра батафсил ўрганиш учун кўпроқ катталаштирилиб 
ўрганилади. 
Микропрепаратни тайѐрлаш учун қўлланиладиган суюқлик 
қўшимча 
модда 
сифатида қаралади. Улар турли мақсадларда қўлланилади ва 2 гуруҳга 
бўлинади: индифферент ва ѐрқинлаштирувчи. 
Индифферент суюқликларга сув, глицерин, ѐғ; ѐрқинлаштирувчиларга 
– хлоралгидрат, КOH ва NaOH эритмалари киради. 
Индифферент суюқлиқлар
ўрганилаѐтган объектга таъсир этмаган 
ҳолда уни текшириш учун мухит бўлиб хизмат қилади. Сув умумий 
тадқиқлар учун фойдаланилади, у ҳужайраларнинг шакли ва рангини 
ўзгартирмайди. Сув мухитида крахмал доначалари ва кальций оксалат 
киритмалари яхши кўринади, аммо унда шиллиқ моддалар эриб кетади ва 
алейрон доначалари парчаланиб кетади, ѐғлар эса янада каттароқ томчиларга 
айланиб кетади. 
Сувга нисбатан глицеринли препаратлар қуриб қолмайди ва бир неча 

---

82 
кунгача сақланиши мумкин. У кучсиз ѐрқинлаштирувчи суюқликлар 
қаторига ҳам киради – уни давомли таъсири натижасида аста-секин тўқима 
равшанлашиб боради. 
Ёғлар объектдаги сувда эрувчи моддаларни тадқиқ қилиш учун 
қўлланилади. 
Ёрқинлаштирувчи суюқликларнинг
таъсири – препаратни янада 
равшанлаштиришдан иборатдир. Энг яхши ѐрқинлаштирувчи эритма 
хлоралгидратдир. Унинг таъсири натижасида препаратдаги ҳаво чиқиб 
кетади, крахмал доначалари шишиб, эриб кетади; ѐғ ва эфир мойлари эриб 
кетади; оқсиллар, хлорофилл, смола ва бошқа киритмалар парчалади; 
қорамтир пўстлоқ ѐрқинлашади; кальций оксалат кристаллари ўзгаришсиз 
қолади. Хлоралгидрат аста таъсир қилади, препаратни эхтиѐткорлик билан 
қиздириш керак, қайнатиб юборишга йўл қўйилмайди.
КOH ва NaOH ларнинг турли концентрациядаги (5-15%) эритмалари 
хлоралгидратга ўхшаб таъсир этади: крахмал доначалари эриб, тезликда 
клейстр ҳосил қилади, ѐғлар қиздирилганда совунларга айланади.