М. Марупова, Р. Акбаров, Г. Мирзахмедова “фармакогнозия”

Доривор қашқарбеда ўсимлигини макроскопик ва микроскопик 
текшириш. 
Доривор қашқарбеда (сариқ беда) – 
Меlilotus officinalis
Desr., 
дуккакдошлар Fabaceae оиласига киради. 
Икки йиллик, бўйи 50-100 см га (баъзан 2 м га) етадиган ўт ўсимлик. 
Илдизи сершох, ўқ илдиз. Пояси битта ѐки бир нечта, қиррали бўлиб, юқори 
қисми шохланган. Барги уч пластинкали мураккаб барг, нояда банди билан 
кетма-кет ўрнашган. Баргчаси тескари тухумсимон, тухумсимон ѐки чўзиқ 
ланцетсимон, текис қиррали ѐки майда аррасимон-тишсимон қиррали ва 
туксиз бўлиб, узунлиги 3 см. Баргда ингичка ланцетсимон, ўткир учли, текис 
қиррали қўшимча баргчалар бор. Гуллари майда, сариқ, шингилга тўпланган. 
Гулкосачаси ярмисигача учбурчак ланцетсимон шаклдаги 5 бўлакка 
қирқилган. Гултожиси капалакгулдошларга хос тузилган. Оталиги 10 та, 
шундан биттаси бирлашмаган, қолганлари бирлашган. Оналик тугуни бир 
хонали, юқорига жойлашган. Меваси – тухумсимон, кўндалангига буришган, 
кулранг тусли, туксиз, бир урувли дуккак. 
Июнь-сентябрь ойларида гуллайди, уруғи эса август ойидан бошлаб 
етилади. 
Маҳсулот тайёрлаш. 
Ўсимлик гуллаганида ер устки қисми ўриб 
олинади ва соя ерда қуритилади. Қуригандан сўнг янчиб, барг ва гуллар 
ажратиб олинади, пояси ташлаб юборилади. 
Маҳсулотнинг ташқи кўриниши. 
Тайѐр маҳсулот майдаланган барг 
ва гул аралашмаларидан иборат. Маҳсулотнинг ѐқимли ҳиди, шўр ва аччиқ 
мазаси бор. Маҳсулотга қашқарбеданинг бошқа турлари (
Melilotus dentatis
Pers – гули ҳидсиз, қўшимча барги тишсимон қиррали; 
Melilotus albus
Desr. – 
гули оқ рангли) аралашиб қолмаслиги лозим. 
Маҳсулот намлиги 14 %, умумий кули 10%, диаметри 3 мм дан йўғон 
бўлган поялар 2%, тешигининг диаметри 0,5 мм ли элакдан ўтадиган майда 

---

72 
бўлаклар 5%, сарғайган, қўнғир рангли ва корайган бўлаклар 2%, органик 
аралашмалар 1% ва минерал аралашмалар 0,5 % дан кўп бўлмаслиги керак.