М а р к е т и н г асосий маркетинг тушунчалари ва замонавий сўзларининг қисқача изоҳли луғати

Фронт бўйича ҳужум (attack on the front) – бу рақобатчи корхонанинг кучсиз томонларидан кўра кучли томонларидан устун келиши бўйича фаол ҳаракатлар орқали унинг позициясига (маҳсулотлар, реклама, нархлар ва бошқалар бўйича) ҳужум қилиши тушунилади. Уни амалга ошириш учун корхона рақобатчига нисбатан кўп ресурсларга эга бўлиши ҳамда узоқ муддатли «жанг ҳаракатларини» олиб бориш қобилиятига эга бўлиши керак.
Х
Халқаро маркетинг (International marketing) – бу корхона ёки фирма томонидан чет элдаги бозорларда амалга ошириладиган ўзининг мақсадларига (бозор улушини ошириш, фойда олиш, акционерлик капитали ва бошқалар) самарали эришиш учун, ўзининг товарлари ва хизматларига бўлган талабни ўрганиш, шакллантириш ҳамда қондириш бўйича чора-тадбирлар тизимидир. Халқаро маркетинг бўйича қабул қилинадиган қарорлар, аввало қуйидагиларни кўзда тутади:

1. 
   чет эл бозорини баҳолаш (evaluation of foreign markets);
   
2. 
   чет эл бозорларини танлаш (evaluation of foreign markets);
   
3. 
   чет элдаги ҳар бир танлаб олинган бозорларга кириш стратегиясини ишлаб чиқиш (strategies of market entry);
   
4. 
   танлаб олинган бозорларга кириш ҳамда ишлаш ва энг аввало ўз мулкини йўқотиш хавф-хатарларини баҳолаш (joint venture and direct ownership);
   
5. 
   ҳар бир танлаб олинган бозорларда, корхона товарларини (хизматларини) товар ва коммуникация адаптацияси сиёсатини ишлаб чиқиш;
   
6. 
   маркетинг комплексини (4P) барча элементлари бўйича корхонанинг маркетинг фаолияти режасини ҳар бир бозор учун ишлаб чиқиш.
   

Харажатлар (costs) – бу корхонанинг маҳсулотларни ишлаб чиқариш ва уларни истеъмолчиларга етказиб бериш билан боғлиқ бўлган умумий харажатларига айтилади.
Харажатлар – корхонанинг ишлаб чиқариш ҳамда сотув ҳажмига боғлиқ бўлмаган доимий харажатлар ва тўғридан-тўғри ишлаб чиқариш ҳамда сотув ҳажмига бевосита боғлиқ бўлган ўзгарувчан харажатлар турларига бўлинади. Харажатлар корхона белгилаётган маҳсулотлар нархлари учун доимо асос бўлиб ҳисобланади.