М а р к е т и н г асосий маркетинг тушунчалари ва замонавий сўзларининг қисқача изоҳли луғати

Товар белгиси (trademark) – бу ҳуқуқий ҳимоя билан таъминланган марка ёки унинг бир бўлаги. Товар белгиси – марка номидан ёки марка белгисидан фойдаланиш жараёнида сотувчинингмутлақ ҳуқуқини ҳимоя қилади.
Товар ҳаракати (physical distribution) – бу товар ва хизматларни ишлаб чиқарувчидан оҳирги истеъмолчига етказиш бўйича усуллар ва ҳаракатлар маршрутининг (олдиндан белгилаб қўйилган йўлнинг) жамланмасидир.
Товарни презентация (тақдимот) қилиш (presentation of the product) – бу сотув жараёнининг босқичи бўлиб, унда сотувчи харидорга таклиф этилаётган маҳсулот ҳақида сўзлайди, унинг фойдали истеъмол хусусият-ларини санаб ўтади, шунингдек, мазкур маҳсулот мижозга муаммоларини қандай ечишга ёрдам беришини тушунтиради.
Товар таклифи таҳлили (supply analysis) - бу маълум бир вақт давомида, шунингдек, вақт, давр динамикасида маълум бир географик бозорга таклиф этилган турли товарларни ҳажми, таркиби ва сифат параметрларини аниқлашдир.
Товарнинг ҳаётий даври (product life - cycle) - бу товарни бозорда бўлиш давридир. Унга товарни бозорга етказиб беришдан (сотувда пайдо бўлишидан) то сотувни тугашигача бўлган давр оралиғи киради. У бир қанча поғаналардан (даврдан) иборат: бозорга татбиқ этиш, ўсиш, пишиш (етилиш) ва пасайишдан.
Тренд (trend) - бу вақт қаторидаги маълум бир кўрсаткичларни, умумий узоқмуддатли ўзгариш тенденциясини ифодаловчи қонуниятдир. Тренд моделлари маркетинг амалиётининг талабни таҳлил ва қисқа муддатли прогноз қилишида, товар таклифида, бозор конъюнктурасида ва бошқаларда қўлланилади.
Тўғридан тўғри маркетинг (direct marketing) – бу фирма ҳамда унинг савдо вакилларини, харидорлар (истеъмолчилар) билан, улар талабини шакллантириш ва шартнома тузиш (сотувни амалга ошириш) мақсадига бевосита алоқасини таъминловчи товар ва хизматларни тақсимлашнинг маркетинг тизимидир. Тўғридан- тўғри маркетингнинг қуйидаги турларини кўрсатиш мумкин: шахсий сотув (воситачиларсиз), компьютер (тармоқ) маркетинги, телемаркетинг, почта орқали тўғридан-тўғри жўнатиш (direct mail).