М а р к е т и н г асосий маркетинг тушунчалари ва замонавий сўзларининг қисқача изоҳли луғати

Франчайзер (franchister) – бу ўзининг номи ва маркетинг технологияларидан фойдаланган ҳолда бизнесни юритиш ҳуқуқини лицензияни (франшизани) берувчи корхона ва якка тадбиркорлардир. Масалан, франчайзер муваффақиятли маҳсулот ёки хизматларни яратади, рестораннинг алоҳида иш стили. Франчайзер ўзининг бизнесини ривожлантиради, яхши обрў ва таниладиган имиджини (“бренд-нейм” деб номланган) яратади. Корхона ўзининг бизнес-концепциясини кучли, зўрлигини исботлагандан сўнг, бундай муваффақиятли бизнес юритишни хохловчи бошқа тадбиркорларга, ўзининг франшизасини сотиб олишни таклиф этиши мумкин.
Фрейд мотивация назарияси (Freud’s theory of motivation) – бу истеъмолчилар хулқ-атворини таҳлил қилишда қўлланиладиган асосий принциплар ва ёндашувлар йиғиндисидир. Зигмунд Фрейднинг мотивация назариясига асосан, инсон туғилган кунидан бошлаб кўпгина ҳиссиётлар таъсирида бўлади ва уларни охиригача англаб етмайди ҳамда назорат қила олмайди. Шу сабабли, инсон ҳеч қачон ўзининг хулқ-атвори мотивини тўлиқ тушуниб етмайди. Истеъмолчилар хулқ-атвори тадқиқотчилари улар харидининг чуқур мотивлари сирларини очишга ҳаракат қилмоқдалар. Масалан, мен персонал компьютер (ноутбук)ни сотиб оламан, менинг фикримча, уни ўз иш фаолиятимда ишлатиш зарурлиги учун олганман, аммо ушбу харид мотивини янада чуқур таҳлил этсам, мен уни ўз ҳамкасбларимни ҳайратда қолдириш учун сотиб олганлигим ҳақида хулосага келишим мумкин. Янада чуқурроқ таҳлил қилиш эса шуни кўрсатадики, ушбу хариднинг ҳақиқий мотиви мени шахсийкамол топишим ҳамда мени энг янги ва илғор нарсаларга интилишимни кўрсатади. Мотивлар хулқ-атвори тадқиқотчилари «чуқур» ахборотларни жуда тор доирадаги истеъмолчилардан тўплайдилар. Бунинг учун улар махсус услублардан фойдаланадилар. Тадқиқотчиларнинг хулосалари айрим вақтда жуда кутилмаган натижаларни кўрсатади. Масалан, эркакларнинг сигарета чекишлари уларнинг ёшликдаги бармоқларини сўриб юриш одатининг давоми эканлигига хулоса қилинади. Товарнинг ташқи кўриниши эса кўпинча истеъмолчининг шу товарни сотиб олишига ёки сотиб олмаслигига сабаб бўлади ва ҳоказолар.