М а р к е т и н г асосий маркетинг тушунчалари ва замонавий сўзларининг қисқача изоҳли луғати

Янги товарни бозорга татбиқ этиш (pioneering stage) - бу сотув ҳажмининг секин ўсиши ҳамда фойда олишнинг пастлиги билан боғлиқ бўлган, махсулот ҳаётий даврининг биринчи поғонасидир. Бу поғона, товар ҳаётий даврининг келгусидаги ривожлантиришда катта аҳамиятга эгадир. Айнан шу поғонада, товарларни силжитишни асосий усуллари (реклама, PR-тадбирлари ва хоказолар) қўлланилади ва сайловдан ўтказилади.
Ярмарка (trade fair) – бу корхонанинг товар (хизматларини) сотишни кўзда тутувчи, талаб ва сотувни рағбатлантирувчи махсус ташкилий шаклдир. Шунингдек, у реклама чора-тадбирларини амалга ошириш учун ва сотувни нархли ҳамда нархсиз рағбатлантириш чоралари бўйича майдончадир. Кўргазмалардан фарқли, ярмаркалар талабни шакллантиришга нисбатан (шу жумладан янги товарларга), улар товарлар (хизматлар) сотувини рағбатлантириш учун кўпроқ йўналтирилгандир.
Ў
Ўраб олиш орқали ҳужум (attack by siege) – бу рақобатчининг барча позицияларига бирданига ҳужум қилиниб, уни бир вақтнинг ўзида ҳамма йўналишлар бўйича мудофаа олиб боришга мажбур этади, бу эса, бозор даъвогари жуда катта ресурсларга эга бўлганда қўлланилади ҳамда қисқа вақт ичида рақобатчининг бозордаги позицияси емирилишига олиб келади. У қуйидаги вариантларда амалга оширилиши мумкин, яъни маҳсулот модификацияси (турлари) сонини анча кўпайтириб, бир вақтнинг ўзида нарх диапазонини ҳам кенгайтириб, рақобатчи ҳаракат қилаётган барча бозорларда ўз маҳсулотини сотиши.
Қ
Қанот (фланга) ҳужуми (wing (flange) attack) – бу рақобатчилар фаолиятининг кучсиз жойларига йўналтирилган бўлиб, ушбу кучсиз жойларда устунликларга эришиш учун асосий кучлар ташланади; у шунга асосланганки, рақобатчи кўпинча ўзининг ресурсларини энг кучли позицияларини сақлаб қолиш учун йўналтиради, масалан, маҳсулот сифати бўйича сардорлик (лидерлик) позицияси (ҳолати)ни сақлаб туриши мумкин, айни вақтда эса, ўз фаолиятида кучсиз жойларга эга бўлиши мумкин, масалан воситачилар билан ишлашга унча аҳамият беришмайди. Ушбу стратегия бозор даъвогари, рақобатчига нисбатан кам ресурсларга эга бўлса, яхши натижалар бериши мумкин. У кўпинча рақобатчиларга қарши кутилмаганда амалга оширилади.