М а р к е т и н г асосий маркетинг тушунчалари ва замонавий сўзларининг қисқача изоҳли луғати

Э
Эвент-маркетинг (event marketing) – бу маълум бир аниқ вақтларга, кунларга белгиланган юбилейлар, байрамлар, кўргазмалар, савдо ярмаркалари, спорт мусобоқалари ва бошқалар учун махсус маркетинг чора-тадбирларини режалаштириш ҳамда амалга оширишдир.
Электрон тарқатиш (e-mail) – бу Интернет орқали юбориладиган, бозорнинг танланган сегментининг алоҳида танланган шахсига адресли мурожаатидир.
Электрон савдо (e-commerce) – бу компьютер терминалларидан фойдаланган ҳолда харидор товар ҳақидаги ахборотни сўрайдиган тизимдир. Товарга буюртма кредит карточкаси ёки интернет орқали амалга оширилади.
Эмбарго (embargo) – бу товарлар, хизматлар, валюта ва бошқа бойликларни мамлакатга олиб кириш ёки ундан олиб чиқишни давлат томонидан тақиқланиши. Эмбарго квотанинг шакли ҳисобланади.
Эҳтиёж (need,want) – бу маркетингда товарларга ва хизматларнинг маълум бир турига бўлган шахс (индивидуум) ёки ташкилот томонидан тушуниб ва англаб етилган муҳтожлик тушунилади.
Ю
Юзер (user) – бу фойдаланувчи (ишлатувчи)дир. Интернет-маркетингда унга реклама хабарларини, товар ва хизматни силжитиш, бозорни ва харидорларни тадқиқот қилиш учун жўнатиладиган объект сифатида кўрилади. Маркетингда бундан ташқари, шунингдек, “product user” – товар фойдаланувчиси ва “secondary user”- иккиламчи фойдаланувчи деган тушунчалар қўлланилади.
Я
Янги бозорларга чиқиш (market entry) - бу бозорнинг янги мақсадли сегментларига йўналтирилган, корхонанинг янги товарларини ёки мавжуд товарларини сотиш бўйича фаол харакатлари ҳолатидир.
Янги товар (new product) – бу маълум бир ўзига хос хусусиятларга (тавсифномаларга) эга бўлган ҳамда бозордаги мавжуд маҳсулотлардан бутунлай фарқ қиладиган товардир. Маркетингда товарни янгилигини белгиловчи асосий мезон бўлиб, уни мақсадли истеъмолчилар томонидан мавжуд аналог-товарларга нисбатан талабни яхши қондирувчи, янги товар деб қабул қилинишидир.
Қуйидаги хусусиятларга эга бўлган янги товарларни келтириш мумкин :

• 
  бозорда аналоги (ўхшаши) йўқ бўлган, умуман янги товар (мутлақо янги товарлар) ;
  
• 
  мақсадли истеъмолчилар фикрига кўра, бошқа товарларга нисбатан хусусиятлари ва тавсифномалари яхшиланган товар (модификацияланган товар) ;
  
• 
  истеъмол қимматини қўшувчи товарлар (масалан, мақсадли истеъмолчилар учун муҳим ҳисобланган қўшимча хизматларни кўрсатиш) ;
  
• 
  истеъмолчилар учун қулай бўлган янги шаклдаги ва упаковкадаги товарлар ва бошқалар.