Логопедия фанининг мақсади, вазифалари. Нутқ органларининг тузилиши. Нутқнинг ҳосил бўлиш механизми

Кутиладиган натижа	Тингловчилар овоз бузилишларини бартараф этишда олиб бориладиган коррекцион-логопедик ишлар тизимини билиб оладилар.
Амалий машғулот режаси	Овоз ҳосил бўлиш механизми. Функционал овоз бузилишлари. Коррекцион-педагогик ишлар тизими.

5-мавзу: Овоз бузилишлари ва уларни бартараф қилиш
Режа

1. 
   Овоз ҳосил бўлиш механизми.
   
2. 
   Функционал овоз бузилишлари.
   
3. 
   Коррекцион-педагогик ишлар тизими.
   

Овоз аппарати ваҳиқилдоқнинг овоз ҳосил қилиш функцияси.

Овоз—бу ун найчаларининг эластик тебраниши натижасида ҳосил бўладиган турли хил товушларнинг ўзига хос хусусиятлари мажмуасидир.
Оториноларингология фанининг ривожланиши сабабли, фониатрия деган янги фан, мустақил бўлиб ажралиб чиқди. Фониатрия—овоз аппарати касалликларини вужудга келиши ва уларни даволаш йўлларини ўрганади. Фонопедия—логопедия фанининг бир бўлими. У махсус педагогик йўллар билан овозни тўғрилаш билан шуғулланади.
Бу фанларнинг барчаси овозни махсус машқлар билан йўлга қўйиб, тўғрилашни билдиради.
Маълумки, овоз ҳосил бўлишда: диафрагма, ўпка, бронхлар, трахея, халқум, ҳиқилдоқ, бурун бўшлиғига ва унинг юз, пешана суяклари орасида жойлашган қўшимча коваклари иштирок этади.
Ҳиқилдоқда жойлашган овоз бойламлари, мускуллари билан бирга, овоз ҳосил бўлишида тил,лаблар, оғиз бўшлиғи ҳам иштирок этади.
Диафрагма ва қовурғалараро мушаклар нафас олишда фаол қатнашади. Қовурғалараро мускулларнинг фаол иштирок этиши кўкрак билан нафас олишдир. Нафас чиқариш ҳаракати ички қовурғалараро ва қорин мускулларининг қисқариши орқали таъминланади.