Шавкат Мирзиёев 80,1 фоиз овоз билан президентликка қайта сайланди

Ўзбекистон сиёсий янгиликлари

1. 
   Шавкат Мирзиёев 80,1 фоиз овоз билан президентликка қайта сайланди.
   

Марказий сайлов комиссияси президент сайловларининг дастлабки натижаларини эълон қилди.Унга кўра, ЎзЛиДеП номзоди, амалдаги давлат раҳбари Шавкат Мирзиёев фоиз 80,1% овоз билан ғалаба қозонди. МСК уни президентлик сайловида ғалаба қозонганлигини эълон қилди.Шунингдек, ХДП номзоди Мақсуда Ворисова 6,6%, «Миллий тикланиш» номзоди Алишер Қодиров 5,5%, Экопартия номзоди Нарзулло Обломуродов 4,1% ва «Адолат» номзоди Баҳром Абдуҳалимов 3,4% овоз олишди
Сайловда овоз берганлар сони 16 млн 212 минг 343 нафарни ёки 80,4% фоизни ташкил этдии.
Маълумот учун, 2016 йилги сайловларда Шавкат Мирзиёев 88,61% сайловчиларнинг овозини олган эди.

2. Ўзбекистонга қарийб 274 минг доза Pfizer-BionNTech вакцинаси олиб келинди

25 октябрь куни, Ўзбекистонга АҚШ ҳукумати томонидан 273 минг 780 доза Pfizer-BionNTech вакцинаси етказиб берилди, деб хабар берди БМТнинг Болалар жамғармаси ЮНИСЕФ ахборот хизмати.
Мазкур вакциналар COVAX дастури асосида олиб келинган.
Аввалроқ, 18 октябрь куни АҚШ Ўзбекистонга 526,5 минг доза Pfizer вакцинасини юборган эди.
ССВ маълумотларига кўра, Ўзбекистонда коронавирусга қарши эмлаш жараёнларида фойдаланилаётган жами вакцина 35 млн 225 минг 138 дозани ташкил қилмоқда.

3. 
   20 йил ичида 1 миллиондан ортиқ одам Ўзбекистонни тарк этди
   

2000-2020 йиллар оралиғида 1 миллиондан ошиқ Ўзбекистонда доимий яшовчилар хорижга кўчиб кетди. Кўчиб кетганлар Ўзбекистонга кўчиб келганларга нисбатан 11 баробар кўпроқни ташкил этган.

Давлат статиcтика қўмитаси Kun.uz сўровига биноан 20 йиллик даврда Ўзбекистондан кўчиб кетганлар ва мамлакатга кўчиб келганлар тўғрисидаги статистикани тақдим этди.
Ўзбекистонга хориждан кўчиб келганлар 2000-2020 йиллар оралиғида 99 341 нафарни ташкил этди. Бу даврда энг кўп кўчиб келувчилар 2005 йилга тўғри келган – 7179 киши.
Энг кам кўчиб келиш эса 2020 йилга тўғри келади. Пандемия даврида Ўзбекистонга 1 105 киши кўчиб келган.
Ўзбекистондан кўчиб кетганлар эса 1 107 584 кишини ташкил этди. Энг кўп доимий яшовчи аҳоли Ўзбекистонни тарк этган давр 2005 йилга тўғри келган, бу пайтда 104 991 киши мамлакатдан кўчиб кетган. Энг кам кўчиб кетиш даври эса 2019 йил ҳисобланади, бу йилда 13229 киши мамлакатни тарк этди.
Рақамларга ишонадиган бўлсак, ҳозирча, энг кам кўчиш 10 минглик шкаладан пастга тушмаган. Пандемия даврида ҳам 13 648 киши Ўзбекистондан кўчиб кетганини кузатиш мумкин.
Статистика Ўзбекистондан кўчиб кетганлар (1 107 584 киши) кўчиб келувчилар (99 341 киши) 11 баробар кўпроқлигини кўрсатади.
Аввалроқ, Ўзбекистонда доимий аҳоли сони қарийб 35 млн кишига етгани маълум қилинганди.

4.