Логопедия фанининг мақсади, вазифалари. Нутқ органларининг тузилиши. Нутқнинг ҳосил бўлиш механизми

Даволашнинг иккинчи босқичи - операциядан кейинги босқичдир. Т шаклидаги резина трубка узоқ муддат тақиб юрилади (3—5 ой ). Бу трубка рецидивларга қарши курашиш ва бўғиздаги тешикни даволаш мақсадида тақилади. Бунда нафас олиш асосан, трубка орқали амалга оширилади, овоз бўлмайди (афония) ёки ўша аввалги монотон нутққа эга бўлади. Бу шароитларда артикуляцион ва нафас машқлари мураккаблаштирилади, логопедик даволаш физкультураси киритилади, бола нутқини умумий ривожлантириш бўйича иш олиб бориш давом эттирилади, товушлар талаффузи коррекцияси олиб борилади.
Ўтказиладиган машқлардан мақсад — соф артикуляцион ҳаракатларни, унли товушларни, ундош товушларни, бўғинлар ва сўзларни нафас чиқаришда, олдин овозсиз, кейин шивирлаб талаффуз қилиш билан бирлаштириш орқали артикуляцион аппарат ҳаракатининг сифатини яхшилашдир. Бундай машқлар монотон нутқўрнига шивирловчи нутқни ҳосил қилишга қаратилган бўлади. Давомли нафас чиқариш логопедик даволаш физкультураси махсус комплекси ёрдамида ҳосил қилинади, бу комплексга соф гимнастик машқлардан ташқари яна нафас машқлари, товушлар ва сўзларни нафас чиқаришда талаффуз қилиш билан биргаликда киритилади. Бу машқлар даволашнинг назорат босқичига ўтишни енгиллаштиради. Бола организмини жисмоний жиҳатдан мустаҳкамлайди, организмнинг иш қобилиятини ва чидамлилигини оширади.
Даволашнинг учинчи босқичи — назорат постдеканюляцион босқичидир (3—5ой). Бу босқичда бўғиздаги тешикнингбитиб кетиши турғунлиги ва рецидивларнинг бор-йўқлиги текширилади.
Бола аввалига стома орқали нафас олади, кейинчалик стома пластир билан беркитилади, бола нафас олишнинг табиий йўллари орқали нафас олади. Овоз бўлмайди.
Даволашнинг бу босқичида артикуляцион ва нафас гимнастикасига даволаш физкультураси билан бирга овоз машқлари ҳам қўшилади. Нафас машқлари мураккаблаштирилади, уларнинг ўтказилиш вақти узайтирилади, нафас машқлари товуш фонацияси билан бирга олиб борилади. Овоз машқлари овоз товушларини ҳосил қилиш учун хизмат қилади.