Конспект 5340600«Финанслар», 5340900«Бухгалтериялық есап ҳәм аудит»

Қайталаў ушын сораўлар

1. 
   Анық емес ҳәм тәўекелшилик дегенде нени түсинесиз?
   
2. 
   Объектив ҳәм субъектив итималлар ҳәм олар ортасындағы парық.
   
3. 
   Тәўекелшиликке мойиллик.
   
4. 
   Тәўекелшиликке бепарық қарайтуғын шахс қандай қәсийетке ийе.
   
5. 
   Тәўекелшиликти пәсейттириў жолларын тәрипйлең бериң.
   
6. 
   Асимметрик мағлыўмат қандай ақыбетлерге алып келеди?
   
7. 
   Инвестиция тәўекелшилиги дегенде нени түсинесиз.
   

9-тема. Фирма ҳәм олардың шөлкемлестирилген-экономикалық тийкарлары (2 саат)

1. 
   Исбилерменлик формалары ҳәм олардың қәсийетлери.
   
2. 
   Фирмалардың мулк формалары бойынша классификацияланыўы.
   
3. 
   Жуўапкершилиги шекленген ҳәм шекленбеген жамийетлер.
   
4. 
   Мәмлекет кәрханалары ҳәм акционерлик жамийнетлери.
   

Фирма (кәрхана) - бул ислеп шығарыў ресурслары ийелериниң қайталаныўын ҳәм мәплерин муўапықластырыўшы институционал структура есапланады.
Исбилерменлик фирмаларының тийкарғы шөлкемлескен формалары: жеке исбилерменлик фирмасы, жуўапкершилиги шекленген ҳәм шекленбеген жамийетлер, корпорация (ашық ҳәм жабық турдеги акционерлик жәмийетлери).
Жеке исбилерменлик фирмасы - бул фирманың ийеси жумысты ғәрезсиз, өз мәпинен келип шығып алып барады, ол тәўекелшиликти өз мойнына алады, фирманың барлық мәжбүриятлары бойынша толық жуўапкершиликти мойнына алады (яғный, жуўапкершилиги шекленбеген жәмийет есапланады), қалған дәраматты өзи өзлестиреди.
Жуўапкершилиги шекленбеген жәмийет - фирманы биргеликте пайда етип, биргеликте ийелик етиўши ҳәм басқарыўшы шахслар топары болып, олар фирманың барлық мәжбүриятлары бойынша толық жуўапкершиликти шекленбеген рәўиште өзлериниң мойынларына алады.
Жуўапкершилиги шекленген жәмийетте фирма ийелери фирманың мәжбүриятлары бойынша жуўапкершиликти Нызам фондына қосқан үлеси шеңберинде мойнына алады..
Корпорация - пайшылыққа тийкарланған жәмийет болып, ҳәр бир мулк ийесиниң жуўапкершилиги усы кәрханаға қосқан ҳиссаси менен шекленген. Кәрхана акцияларын сатып алған шахслар кәрхана мулки ийелерине айланады. Корпорация хызметин акционерлар мажлиси қадағаланады. Акциядарлар өз акцияларына дәрамат (дивиденд) алады. Корпорация кредиторлары өз талапларын акциядарларға емес, корпорацияға қояды.
Акционерлик жәмийети ашық турде болса, кәрхана акциялары ашық базарда, яғный фонд биржаларында еркин сатылады. Акциядорларга корпорация жақпаса, олар өз акцияларын ашық базарда сатып кәрхана менен байланысын улыўма үзиўи мүмкин.