Конспект 5340600«Финанслар», 5340900«Бухгалтериялық есап ҳәм аудит»

ӨЗБЕКСТАН РЕСПУБЛИКАСЫ ЖОҚАРЫ ҲӘМ ОРТА АРНАЎЛЫ БИЛИМЛЕНДИРИЎ МИНИСТРЛИГИ


ҚАРАҚАЛПАҚ МӘМЛЕКЕТЛИК УНИВЕРСИТЕТИ


Экономика кафедрасы
“МИКРОЭКОНОМИКА” ПӘНИНЕН
ТАЯНЫШ КОНСПЕКТ
5340600«Финанслар»,
5340900«Бухгалтериялық есап ҳәм аудит»,


Дүзген: проф. Убайдуллаев Қ.


1-тема. Микроэкономика пәнниң мазмуны, мақсети ҳәм ўазыйпалары (2 саат)

1. 
   Шекленген ресурсларды бөлистириўдиң базар механизми.
   
2. 
   Базар ҳәм оның ўазыйпасы.
   
3. 
   Базар менен байланыслы болмаған хызмет, мүлкке ийелик етиў – базар алмасыўының тийкарғы шәрти.
   
4. 
   Пәнниң предмети, ўазыйпасы ҳәм үйрениў усыллары.
   

Пәнниң тийкарғы ўазыйпасы студентлерге базар қатнасықлары шараятында экономикада әмел ететуғын нызамларды, базар механизминиң теориялық ҳәм әмелий тийкарларын, жәмийеттеги ресурслар дефицитлиги ҳәм адамлар мүтәжин қанаатландырыў зәрүрияты ҳаққында кең экономикалық пикирлер жүритиўди ҳәм оны әмелде енгизиў жолларын үйретиўден ибарат.

Экономиканың базар қатнасықларына өтиўи менен жәмийетте базар экономикасының әмел етиў механизмин, түрли мүлшиликке тийкарланған кәрханалардың (фирмалардың) хожалық жүритиў хызметин, олардың базар шараятындағы ҳәрекетин, шекленген ислеп шығарыў ресурсларынан әдил пайдаланыў жолларын ҳәм сол тийкарында оларды нәтийжели хызмет жүритиўин үйретиўши билимге болған мүтәжи артып барады. Бул мәселелерди шешиўде “Микроэкономика” пәниниң әҳмийети үлкен, себеби бул пән экономика пәниниң қурамлық бөлими болып, ол кәрханалар, фирмалар, бирлеспелер, уй хожалықлары ҳәм базар экономикасы шараятында мәмлекет экономикасының төмендеги бөлиминде әмел ететуғын барлық базар субъектлериниң хызметин кең регионда анализлеў тийкарында тийисли жуўмақлар шығарып, қарарлар қабыллаў имканиятын жаратады.
Микроэкономика пәнинде базар экономикасы субъектлери хызметине үзликсиз тәсир етиўши талап ҳәм усыныс, пайдалылық ҳәм тутыныўшылардың базардағы баҳаларға қатнасығы, ислеп шығарыў қәрежетлери ҳәм өним баҳасы, бәсеке формалары, ислеп шығарыў факторлары ҳәм олардан әдил пайдаланыў жоллары, улыўма тең салмақлылық ҳәм мәмлекеттиң базарды басқарыўдағы роли ҳәм соған уқсаған қатар басқа мәселелер үйрениледи.