Klinik laboraтoriya тekshirish usullari

Suvsimon va shakllanmagan axlatdan nam preparat tayyorlash.
A. Zaruriy material va jihozlar: yangi axlat namunasi, shishaga
yozadigan qalam yoki mumqalam, applikator tayoqchalari (yoki
gugurt donalari), buyum oynalari, qoplagich oynalar, salfetkalar,
eozin, noksimon piрetka (eozin uchun flakon-tomizgich bo‘lmasa).
B. Т a y y o r l a s h t e x n i k a s i :
1. Axlat namunasi va buyum oynasini tartib raqami bilan
belgilanadi.
2. Applikatordan foydalanib, biroz miqdordagi namunani qon
va yiring zarrachalari bilan birgalikda olib, buyum oynasining bir
chetiga tushiriladi.
3. Fiziologik eritma qo‘shmasdan turib, qoplagich oynani namuna
ustiga qo‘yiladi. Yupqa preparat tayyorlash uchun salfetkadan
foydalanib (barmoq izlarini tushirmaslik uchun), qoplagich oynaga
ohista bosiladi.
4. Buyum oynasining ikkinchi chetiga bir tomchi eozin
tomiziladi. Piрetka yoki eozinli flakonni ifloslantirmaslik uchun bu
ishni buyum oynasiga axlat tushirmasdan oldin qilinadi.
5. Yana ozgina axlat olib, uni eozin bilan aralashtiriladi.
6. Qoplagich oynani burchagidan ushlab, tomchining bir chetiga
tekkiziladi. Uni buyum oynasi ustiga havo pufakchalari hosil
bo‘lmaydigan qilib, ohista tushiriladi.

---

74
7. Preparatlarni darhol tekshiriladi, chunki preparat qurib
qoladigan bo‘lsa, trofozoitlar va xivchinlilar harakatchanligini
yo‘qotib qo‘yishi mumkin.
Yodda tutish kerak! Eozin tirik trofozoitlarni bo‘yamaydi, balki
preparatni pushti rangga kiritib, ularni ko‘rishni osonlashtiradi,
xolos.
Mikroskopda tekshirish. A. Zaruriy jihozlar: nam preparatli
buyum oynasi, 10x va 40x obyektivli va 10x okularli mikroskop.
B. Т a y y o r l a s h v a t e k s h i r i s h u s u l i :
1. Harakatchan trofozoitlar va xivchinlarini topish uchun nam
preparatni darhol tekshirib ko‘riladi.
2. 10x obyektivdan foydalanib va ortiqcha yorug‘lik tushirmaslik
hamda kontrast bo‘lishini ta’minlash uchun kondensorni yetarlicha
berkitib turib, oldin eozinsiz preparatni ko‘rib chiqiladi.
3. Buyum oynasini oldinga va orqaga yoki yuqoriga-pastga
yurgizib, preparatni muntazam tekshiriladi.
4. Eozin tufayli hosil bo‘lgan pushti tusda rangsiz E.  histolytica
trofozoitlarini va xivchinli G.lamblialarni topiladi (bobning oxiridagi
parazitlar identifikatsiyasiga qaralsin).
5. Rangsiz parazitlarni identifikatsiyalash (turini aniqlash)
uchun kondensorni yanada ko‘p kontrast bo‘ladigan qilib
to‘g‘rilanadi va 40x obyektivdan foydalanib, preparatni tekshiriladi.
6. «Parazitlar topilmadi», deb xulosa chiqarishdan avval, albatta,
bir nechta ko‘ruv maydonini 40x obyektiv bilan tekshirib chiqiladi.
7. Тopilgan barcha parazitlarni qayd qilib, sonini sanab chiqiladi.