Kirish,,0'rta asrlar tarixi haqida

O`qing va mulohaza yuriting
"Amir Temurning tarixiy xizmati yana shundan iboratki, uning harakatlari tufayli Osiyo va Yevropa davlatlari tarixda birinchi marta yagona jug`rofiy-siyosiy makonda ekanliklarini his etdi".
I. Karimov
"Amir Temur 1402- yilda Anqarada erishgan g`alabasi bi-lan...ikkinchi marta Yevropa xalqlariga xizmat ko`rsatdi".
A. Yakubovskiy
"Amir Temurning Boyazid ustidan g`alabasi xristian olamini saqlab qoldi".
R. Grousit
Turkiyaning keyingi taqdiri. Amir Temur Turkiya davlatini yo`q qilib yubormadi. Sababi salib yurishlarining oqibati hali musulmon olamining yodidan ko`tarilmagan edi. U Boyazidning asir olingan o`g`illarini Turkiya imperiyasining turli mulklariga hokim etib tayinladi.
Amir Temur imperiyasining parchalanishi Turkiyaga oldingi qudratini tiklash uchun qulay sharoitni vujudga keltirdi. Zaiflashib qolgan Vizantiya ham bunga qarshilik qila olmas edi. XV asrning 20- yillarida Turkiya yana qaddini tiklab oldi. Uning harbiy qudrati qayta tiklandi.
Vizantiya imperiyasining barham topishi. 1453-yilning 29-may kuni Vizantiya imperiyasining poytaxti Konstantinopol shahri turklarga taslim bo`ldi. Vizantiyaning so`nggi imperatori jangda halok bo`ldi. Turklar shahar nomini Istanbul deb o`zgartirdilar va uni imperiya poytaxtiga aylantirdilar. Shu tariqa Sharqiy Rim imperiyasi - Vizantiya imperiyasi ham quladi.
Eslang G’arbiy Rim imperiyasining qachon qulaganligini sanani eslang.
Vizantiyaning qulashi bilan Yevropa va Osiyoni bog`lab turuvchi savdo yo`llari turklar nazoratiga o`tdi. Turkiya tez orada Yevropa va Osiyoning juda katta hududlarini bosib oldi. Keyingi asrlarda butun Shimoliy Afrika ham ishg`ol etilgan. Turkiya dunyoning uch qifasi (Osiyo, Yevropa va Afrika)da ulkan hududlarni egallagan yagona imperiyaga aylangan.


VIII bob.
XI - XV asrlarda Osiyo, Amerika va Afrika xalqlari