Kirish,,0'rta asrlar tarixi haqida

Istilochilik urushlari. Usmon I ning o`g`li o`rxon davrida (1326-1359) katta istilochilik urushlari olib borildi. O`rxon xalq lashkari deb ataluvchi doimiy qo`shinga ega edi. Ayni paytda harbiy ishni o`z kasbiga aylantirgan, juda yaxshi harbiy ta'limga ega yanichar - piyoda, sipohiy deb ataluvchi otliqlar qo`shini tuzildi. Harbiy harakatlarda artilleriya (zambarak)dan foydalanish joriy etildi. Shu tariqa Usmonli turklar davlati qudratli qo`shinga ega bo`ldi. 1371-yilda Vizantiya imperatori o`zini Turkiya sultonining vassali deb tan olishga va katta miqdorda o`lpon to`lashga majbur etildi.
Turklar qisqa tarixiy vaqt ichida Bolqon yarim orolini zabt etdi. Bu yerdagi slavyan davlatlari o`zaro ichki urushlar natijasida zaiflashib qolgan edi. Vizantiya esa Turkiyaga qarshilik ko`rsata olmas edi. Bolqon davlatlari mustaqillik uchun qattiq kurashganlar. Turkiya, ayniqsa, Serbiya uchun qonli urushlar olib borishga majbur bo`lgan.
1389- yilda Serbiyaning Kosovo maydonida hal qiluvchi jang bo`lib o`tdi. Bu jangda Turkiya sultoni Murod I o`ldirildi. Shunday bo`lsa-da, serblar qo`shini tor-mor etilgan. 1396- yilda esa Bolgariya bosib olingan.
Yevropaga tahdid. Vizantiyaning tez orada qulashi aniq bo`lib qoldi. Shu tariqa Turkiya Yevropaning boshqa davlatlariga ham hujum uyushtirish imkoniyatiga ega bo`ldi. Bu Yevropa uchun ayanchli oqibatlarni keltirib chiqarishi mumkin edi. Turkiyaning imkoniyatlari butun G’arbiy Yevropani tashvishga solib qo`ydi. Ana shunday og`ir bir sharoitda Sohibqiron Amir Temur Yevropani halokatdan saqlab qoldi.
1402- yilning 28- iyunida Turkiya sultoni Boyazid Yildirim (Chaqmoq) va Amir Temur qo`shini o`rtasida tarixiy jang bo`lib o`tdi.
Yodda tuting Bujang tarixga Anqarajangi nomi bilan kirgan. Anqara shahri hozirgi Turkiya Respublikasining poytaxti.
Bu jangda Boyazid qo`shini tor-mor etildi. Uning o`zi asir olindi. Amir Temur G’arbiy Yevropani shu tariqa halokatdan saqlab qoldi. Bu g`alaba Vizantiyaning qulashini yarim asr orqaga surdi. Amir Temur tom ma'noda Yevropa xaloskoriga aylandi.